हर घर नल, हर घर जल योजना ले बदल गे गांव के जीवन

सेम्हराडीह म जल जीवन मिशन बनिस खुशहाली के आधार
गरियाबंद, प्रधानमंत्री श्री नरेंद्र मोदी अऊ मुख्यमंत्री श्री विष्णुदेव साय के अगुवई म संचालित जल जीवन मिशन, ग्रामीण अंचल म मनखे मन के जीवन म सकारात्मक बदलाव के माध्यम साबित होवत हे। इही कड़ी म गरियाबंद जिला के फिंगेश्वर विकासखण्ड के ग्राम पंचायत रोहिना के आश्रित ग्राम सेम्हराडीह म अब हर घर तक शुद्ध पेयजल के सुविधा सुगमता ले उपलब्ध होवत हे।
जल जीवन मिशन के तहत गांव म घर-घर नल कनेक्शन पहुंचे ले गांव वाले मन के कइ बछर के जुन्ना समस्या खतम हो गए हे। ग्राम सेम्हराडीह के हितग्राही श्रीमती कोयल साहू बताथे के पहिली ओ ल रोजेच पीए अऊ उपयोग के पानी खातिर दूरिहा जा ल परय। कभू बोरिंग ले पानी लाना परय, त कभू कपड़ा धोए या नहाए खातिर नहर तक जाना परय। कई पइत गंदा पानी उपयोग करे के सेती परिवार के स्वास्थ्य म घलोक उलटा प्रभाव परत रहिस।
अब जल जीवन मिशन के तहत घरे म नल जल कनेक्शन उपलब्ध होए ले श्रीमती साहू के जीवन पूरा बदल गए हे। ओ कहत हे के पहिली हर दिन पानी खातिर संघर्ष करना परय, फेर अब घर म नल लगे ले हमला बहुत राहत मिले हे। कपड़ा धोए, नहाए अऊ पशु मन ल पानी देहे खातिर अब कोनो दपर निर्भर नइ रहना परत हे। ए योजना ह नइ केवल गांव वाले मन के दैनिक दिनचर्या ल आसान बनाय हे, बल्कि महिला मन के श्रम, समय अऊ स्वास्थ्य के घलोक रक्षा करे हे। जल जीवन मिशन के सेती अब महिला मन आन उपयोगी काम मन म जादा समय दे पात हें अऊ आत्मनिर्भर बनत हें।