वनांचल गांव तुपेंगा के ग्रामीण जल जीवन मिशन ले होवत हें लाभान्वित
गरियाबंद, 27 जुलाई 2024। छत्तीसगढ़ शासन के जनकल्याणकारी योजना जल जीवन मिशन के तहत गरियाबंद जिला के वनांचल गांव तुपेंगा के गांव वाले मन ल अब पीए के शुद्ध पानी मिलत हे। ओ मन ल पेयजल बर झरिया उपर निर्भर नइ रहना परत हे। ग्राम पंचायत मोंहदा के आश्रित ग्राम तुपेंगा म घर-घर तक नल जल के कनेक्शन पहुंच गए हे। अब महिला मन ल दूरिहा रेंग के पानी लेहे नइ जाना परत हे।
एखर से गांव वाले मन ल कई बछर के पाछू पानी डोहारे के झंझट ले मुक्ति मिले हे। घरे म पानी मिल जाय ले मनखे मन ल अड़बड़ सुविधा अउ राहत मिले हे। एखर बर गांव वाले मन ह सरकार कोति ले चलाए जात जल जीवन मिशन ल कारगर बतात शासन प्रशासन के आभार जताए हें।
जानबा हे कि खेत अउ जंगल के बीच बसे ए गांव म कुल घर 12 हे। जल जीवन मिशन के पहिली गांव वाले मन ल एक मात्र शासकीय हैण्डपम्प अउ झरिया उपर निर्भर रहना परत रहिस। गांव म मुख्यतः आदिवासी वर्ग निवास करथे। जिनकर मुख्य आय स्त्रोत वनोपज संग्रहण अउ कृषि हे।