Jal Jeevan Mission, a scheme of the Central Government to provide pure drinking water to rural families
पेयजल के समस्या ले मिलीस निजात, गांव वाले मन के आजीविका म होइस सुधार
कांकेर, 21 जुलाई 2024। ग्रामीण परिवार मन ल शुद्ध पेयजल उपलब्ध कराए बर केन्द्र शासन कोति ले शुरू करे गए योजना जल जीवन मिशन ले कई गांव मन म पेयजल के समस्या दूर होवत हे। एखर से न केवल शुद्ध पेयजल मिलत हे बल्कि ग्रामीण मन जल संरक्षण के प्रति घलोक जागरूक होवत हें। मुख्यमंत्री श्री विष्णु देव साय के निर्देश के मुताबिक पूरा छत्तीसगढ़ म जल जीवन मिशन के काम तेजी ले संचालित करे जात हे। इही कड़ी म उत्तर बस्तर कांकेर जिला के चारामा विकासखण्ड के ग्राम भुइगांव जिला मुख्यालय ले 30 किलोमीटर दूरी म स्थित एक अइसन गांव हे, जिहां कइ बछर ले पीए के साफ पानी बर संघर्ष करत गांव वाले मन ल जल जीवन मिशन के तहत् पेयजल के समस्या ले निजात मिले हे। पहिली गांव के मनखे, विशेषकर महिला अऊ लइका मन, हर दिन लंबा दूरी तय करके पानी लात रहिन, जेखर से ओ मन ल शारीरिक श्रम के संगे-संग समय घलोक जादा लगत रहिस।
गांव वाले अऊ सरपंच ए समस्या ले निजात पाय के प्रयास करत रहिन। कई ग्रामीण पानी के कमी के सेती बोर खोदवाए ल घलोक मजबूर रहिन। अइसन म गांव के भूजल स्तर घलोक कम होए लगे रहिस।
गांव वाले मन ल शुद्ध पेयजल प्रदाय कराने बर लोक स्वास्थ्य यांत्रिकी संभाग कांकेर कोति ले जलजीवन मिशन के तहत ग्राम भुइगांव म पानी के समस्या ल दूर करे बर योजना बनाए गीस अऊ सबले पहिली, गांव म पानी के कमी के सही स्थिति के आंकलन करे गीस। एखर बाद नल ले जल आपूर्ति बर काम शुरू करे गीस अऊ गांव के हर एक घर म नल कनेक्शन प्रदाय करे बर पाइपलाइन बिछाए गीस। पानी टंकी के निर्माण करके गांव तीर स्थित एक जलस्रोत ले पाईपलाइन के माध्यम ले पानी गांव तक पहुंचाए गीस अऊ जल के गुणवत्ता ठउका करे बर नियमित जांच के व्यवस्था करे गीस। लोक स्वास्थ्य यांत्रिकी विभाग के कार्यपालन अभियंता ह बताइस कि गांव वाले मन ल जल के गुणवत्ता के जांच के प्रशिक्षण देके जल परीक्षण किट्स बांटे गए हे, जेखर से ग्रामीण खुद पानी के जांच कर सकंय।
ए उदी ले गांव के मनखे मन के आजीविका म घलोक सुधार होय हे अऊ ओ मन आत्मनिर्भर बने लगे हें। लोक स्वास्थ्य यांत्रिकी विभाग कोति ले एक गैर शासकीय संगठन के सहयोग अऊ प्रयास ले गांव वाले मन ल जागरूक करे म काफी हद तक सफलता मिले हे। ग्राम भुइगांव के सबो ग्रामीण अब गर्व ले कहिथें के गांव म जलजीवन मिशन ह उंखर जिंदगी बदल देहे हे।
