समूह जल प्रदाय योजना ले 81 परिवार ल नल ले मिलत हे शुद्ध पेयजल
बीजापुर, जल जीवन मिशन के अंतर्गत छत्तीसगढ़ के बीजापुर जिला के भोपालपटनम विकासखण्ड स्थित ग्राम पंचायत तिमेड़ के आश्रित ग्राम भटपल्ली ह ग्रामीण पेयजल आपूर्ति के क्षेत्र म अनुकरणीय उपलब्धि हासिल करे हे। ये ग्राम अब राज्य के उन चुनिंदा गांव मन म सामिल हो गए हे जिहां हर घर म नल ले शुद्ध पेयजल के सतत आपूर्ति सुनिश्चित होवत हे।
पहिली भटपल्ली गांव म जल आपूर्ति के एकमात्र व्यवस्था हैंडपंपों उपर निर्भर रहिस, जेखर से गांव वाले मन ल पानी बर घंटों अगोरा करना परत रहिस। गर्मी के महीना म हैंडपंप मन के खराब होए के स्थिति म जल संकट अऊ गंभीर हो जात रहिस। फेर अब जल जीवन मिशन के अंतर्गत क्रियान्वित समूह जल प्रदाय योजना के माध्यम ले ग्राम के 81 परिवार ल घरेलू नल कनेक्शन उपलब्ध कराए गए हे। एखर से गांव वाले मन ल अब अपनेच घर म आसानी ले शुद्ध जल मिलत हे। बीते दिनन ग्रामसभा के माध्यम ले ग्राम भटपल्ली के शत-प्रतिशत हर-घर जल प्रमाणीकरण करे गीस। ए बेरा म ग्राम के सरपंच श्रीमती वासम लक्ष्मी, सचिव श्री अल्लेम कृष्णाराव, लोक स्वास्थ्य यांत्रिकी विभाग के अधिकारी-कर्मचारी अउ बड़ संख्या म ग्रामवासी उपस्थित रहिन।
ग्राम पंचायत ल जल आपूर्ति प्रणाली के संचालन, अनुरक्षण अउ सतत क्रियाशीलता के जिम्मेदारी सौंपे गए हे। ए पहल ले गांव वाले मन म जल के महत्ता अउ संरक्षण के प्रति चेतना म वृद्धि होए हे अऊ ओ मन अब जल प्रबंधन के सामुदायिक प्रक्रिया म सक्रिय भागीदारी निभावत हें। भटपल्ली ग्राम के ये पहल जल जीवन मिशन के व्यापक उद्देश्य हर घर जल, हर घर स्वस्थ्य ल साकार करे के दिशा म एक प्रभावी उदाहरण हे।
भटपल्ली म जल जीवन मिशन ले साकार होइस हर-घर जल के सपना
