गंगरेल के दुर्गम हरफर गांव म ‘जल जीवन मिशन’ ले बदल गे जिनगी, घर-घर पहुंचिस नल से जल

CHHATTISGARHI NEWS: धमतरी gurturgoth, गंगरेल जलाशय के तीर घना जंगल के बीच बसे धमतरी विकासखंड के ग्राम पंचायत अरौद डुबान के आश्रित गांव हरफर म जल जीवन मिशन नवा बदलाव लाए हावय। मात्र 17 परिवार अउ 52 आबादी वाले ए गोंड जनजाति बहुल गांव म बुनियादी सुविधा पहुंचाना कठिन रहिस, अउ ग्रामीण मन ला पीए के पानी बर कुंआ अउ तालाब ऊपर निर्भर रहना परत रहिस। जल जीवन मिशन के तहत ए दुर्गम इलाका म सौर ऊर्जा आधारित जलप्रदाय योजना लगाए गीस, जेकर से गांव के सबो 17 परिवार मन के घर तक नल कनेक्शन के जरिए साफ पानी पहुंचाए गीस।
ए योजना ले ग्रामीण मन के समय अउ शारीरिक श्रम दुनो के बचत होत हावय। दूरिहा ले पानी ढोके लाए के झंझट खतम होए ले महिला मन अब रोजगार अउ लइका मन के देखरेख म ध्यान दे पावत हें। दूषित पानी ले होवइया बीमारी मन म रोक लगे हावय अउ स्वच्छता के प्रति जागरूकता बाढ़ गे हावय। गांव के निवासी सुंदर सिंह कुनजाम बताथें के पहिली पानी ढोके लाना परत रहिस, फेर अब घरे म नल ले साफ पानी मिलत हावय, जे ओखर पीढ़ी के सबले बड़े बदलाव हावय। हरफर वासी ए जीवनदायिनी पहल बर प्रधानमंत्री नरेंद्र मोदी अउ शासन-प्रशासन के प्रति आभार व्यक्त करे हें अउ ए गांव अब जल जीवन मिशन के सफलता के जीवंत मिसाल बन गे हावय।