केन्द्रीय जल शक्ति मंत्री श्री शेखावत अउ मुख्यमंत्री दाउ बघेल छत्तीसगढ़ म जल जीवन मिशन के करही समीक्षा

रइपुर, 06 अगस्त 2021 शुकवार।

भारत सरकार के जल शक्ति मंत्री श्री गजेन्द्र सिंह शेखावत 7 अगस्त के मुख्यमंत्री दाउ भूपेश बघेल संग मंझनिया 12 बजे मुख्यमंत्री निवास रइपुर म आयोजित बइठका म छत्तीसगढ़ म जल जीवन मिशन के बढ़वार के समीक्षा करहीं। श्री शेखावत एकर पहिली बेंग्लूरू ले बिहिनिया 6.40 बजे उड़न खटोला ले रवाना होके 8.35 बजे रइपुर पहुंचही। इहां ले वोमन 9.10 बजे पहुना गेस्ट हाउस पहुंचही अउ उहां मंझनिया 11 बजे नदी पारिस्थितिकी तंत्र के बहाली अउ शहरी नियोजन विषय उपर वेबीनार के शुभारंभ करहीं। श्री शेखावत मंझनिया 12 बजे मुख्यमंत्री निवास पहुंचके मुख्यमंत्री दाउ बघेल संग समीक्षा बइठका म संघरही। श्री शेखावत बइठका के बाद संझा 4.20 बजे रइपुर ले उड़न खटोला द्वारा नई दिल्ली बर रवाना होंही।