जल जीवन मिशन ले चमकिस चिलकापल्ली के भाग

हर घर पहुंचिस नल ले शुद्ध जल
बीजापुर, कभू पेयजल संकट ले जूझइया बीजापुर जिला के ग्राम चिलकापल्ली, आज जल जीवन मिशन के माध्यम ले एक आदर्श ग्राम के रूप म उभरत हे। फुतकेल ग्राम पंचायत के अंतर्गत अवइया ए छोट कन गांव म अब 132 परिवार ल नल कनेक्शन के माध्यम ले शुद्ध पेयजल ऊंखर घर म ही मिलत हे।
पहिली ए गांव के मनखे मन के जल जरूरत हैंडपंप मन ले पूरा होत रहिस, जेन गर्मी के दिन म अक्सर जवाब दे देत रहिस। महिला मन अऊ लइका मन ल दूरिहा-दूरिहा तक पानी के तलाश म भटकना परत रहिस। फेर अब, छत्तीसगढ़ सरकार के नियद नेल्लानार योजना अऊ जल जीवन मिशन ह ए गांव के हालात पूरा बदल देहे हे। जल जीवन मिशन के तहत ग्राम चिलकापल्ली म 37.89 लाख रुपिया के लागत ले 7138 मीटर लंबा पाइपलाइन बिछाए गीस। एखर संगेच 5 सौर ऊर्जा आधारित जल आपूर्ति प्रणाली के स्थापना करे गीस, जेखर से हर घर तक स्वच्छ पेयजल पहुंच सुनिश्चित हो सके हे।
ग्राम पंचायत के पंच श्री नुप्पो देवा बताथे के पहिली महिला मन अऊ लइका मन ल घंटों लाइन म लगके या दूर-दूर ले पानी लाना परत रहिस। अब घर म ही नल ले पानी मिलत हे, जेखर से समय के घलोक बचत होवत हे अऊ जीवन के गुणवत्ता घलोक सुधरे हे। उहें ग्रामवासी श्रीमती नुप्पो पोज्जी घलोक कहत हे, अब हमला घरे म पानी मिल जात हे। पहिली बहुत दिक्कत होत रहिस, अब जीवन आसान हो गए हे। 23 जून 2025 के ग्रामसभा म चिलकापल्ली ल ‘हर घर जल’ प्रमाणीकरण घलोक प्राप्त हो गे। ए अवसर म सरपंच श्री मनीष कुमार मुसक्की, पंचगण लेकम गुज्जा अउ मड़कम हेमंत, लोक स्वास्थ्य यांत्रिकी विभाग के अधिकारी, कर्मचारी अऊ समस्त ग्रामवासी उपस्थित रहिन।