धमतरी : जल संरक्षण के दिशा म जिला म होवत हे व्यापक काम

जिला में अभी तक बनाए गईस 17 करोड़ 09 लाख 67 हजार के लागत ले 114 चेकडेम अउ 16 स्टापडेम
धमतरी 03 अगस्त 2023
जल संरक्षण के दिशा म शासन स्तर म व्यापक कार्य करे जाथ हे। इही म से एक हे बरसात के पानी ल चेकडेम के माध्यम ले संग्रहित कर के धरती ल स्वर्ग बनाए के। सिंचाई अउ जल स्त्रोत ल स्थिर राखे म चेकडेम के बनेच बडे़ भूमिका हावय। महात्मा गांधी राष्ट्रीय ग्रामीण रोजगार गारंटी योजना के अंतर्गत वित्तीय वर्ष 2019-20 म जिला के कुरूद विकासखंड के ग्राम पंचायत अटंग के नाला म चेकडेम निर्माण करे गय हे। ए चेकडेम के माध्यम ले नाला के बोहात पानी ल सहेजे अउ आसपास के असिंचित उपजाऊ भूमि ल सेंचई हत जल उपलब्ध कराए के दृष्टि ले बनाय गय हे। अटंग नाला म चेकडेम निर्माण ले आसपास के जलस्तर म बढ़ोतरी होइस हे। उहें खेत के सेंचई ब पर्याप्त पानी के घलो व्यवस्था होइस हे। ग्रामीण मन ल निस्तार सुविधा के संग संग जीव जन्तु के पीए ब पानी घलो उपलब्ध होवत हे।
             कुरूद विकासखंड में अटंग ग्राम पंचायत म चेकडेम के निर्माण करे गय हे, ए नाला के कैचमेंट एरिया 574 हैक्टेयर हे अउ एकर लंबाई 5 किलोमीटर हावय। ए चेकडेम के बनी क्षेत्र के लगभग 20 हेक्टयर क्षेत्र अंतर्गत आए वाले 38 किसान मन ल सीधा लाभ होवत हे। चेकडेम निर्माण ले जलस्त्रोत म वृद्धि होइस हे अउ पानी के बर्बादी ल रोक के संग्रहित करी चेकडेम ग्रामीण ब कारगर साबित होवत हे।