खेल गतिविधि मन के आयोजन ले स्वस्थ प्रतिस्पर्धा के भावना के होथे हे विकास: श्री चौबे
रायपुर, 15 फरवरी 2020। कृषि अउ जल संसाधन मंत्री श्री रविन्द्र चौबे ह आज नेताजी सुभाष स्टेडियम म जल संसाधन विभाग के 16वां अर्न्तक्षेत्रीय राज्य स्तरीय खेल प्रतियोगिता के शुभारंभ करिन। राज्य स्तरीय खेल प्रतियोगिता के आयोजन छत्तीसगढ़ जल संसाधन विभाग स्पोर्ट्स क्लब रायपुर कोति ले 15 फरवरी ले 19 फरवरी तक करे जात हे। जल संसाधन मंत्री श्री रविन्द्र चौबे खेल प्रतियोगिता के शुभारंभ अवसर म खिलाड़ी मन अउ उपस्थित दर्शक मन ल सम्बोधित करत कहिन कि जल संसाधन विभाग के अधिकरी-कर्मचारी मन कोति ले खेल गतिविधि के आयोजन सराहनीय हे। उमन कहिन कि खेल गतिविधि मन के आयोजन ले स्वस्थ प्रतिस्पर्धा के भावना के विकास होथे। छत्तीसगढ़ म कृषि के महत्वपूर्ण स्थान हे अऊ कृषि के पोषण जल संसाधन विभाग के माध्यम ले होथे। जल संसाधन विभाग कोति ले पाछू एक साल म बहुत अकन उत्कृष्ट काम करे गए हे। उमन कहिन कि ये खेल प्रतियोगिता म घलोक जल संसाधन विभाग के अधिकारी अउ कर्मचारी अपन उत्कृष्ट प्रदर्शन करहीं। उमन कहिन कि भविष्य म जल संसाधन विभाग के अन्तर्राज्यीय खेल प्रतियोगिता के आयोजन के घलोक प्रयास करे जाही। उमन कहिन कि कोनो खिलाड़ी ल कोनो प्रकार के सहयोग अपेक्षित होए म उनला हरसंभव सहयोग प्रदान करे जाही। उमन जल संसाधन विभाग के अधिकारी मन अउ कर्मचारी मन ल खेल प्रतियोगिता के आयोजन म बधाई अऊ शुभकामना दीन।