Jamdi Pateshwar Dham Ashram located in Dondilohara development block of Balod district
पाटेश्वर धाम म ब्रम्हलीन गुरुदेव राम जानकी दास के समाधि निर्माण कराए के घोषणा
मंदिर परिसर म हाई मास्ट लाईट लगाय अउ मंदिर परिसर म श्रद्धालु मन बर शेड निर्माण कराए के घोषणा
प्री-मैट्रिक बालक छात्रावास जुगेंरा के सीटें 50 ले बढ़ाके 100 करे के घोषणा
रायपुर, 21 जुलाई 2024। मुख्यमंत्री श्री विष्णु देव साय आज गुरू पूर्णिमा के अवसर म बालोद जिला के डौंडीलोहारा विकासखण्ड स्थित जामड़ी पाटेश्वर धाम आश्रम पहुंचिन। मुख्यमंत्री ह उहां सत्संग स्थल कौशल्या धाम म संत योगी बालकदास ले मुलाकात करिन अऊ उंखर आशीर्वाद लीन। ए बेरा म सांसद श्री भोजराज नाग संग श्री देवलाल ठाकुर अउ आन अतिथि मन के अलावा, आई.जी. श्री रामगोपाल गर्ग, कलेक्टर श्री इंद्रजीत सिंह चंद्रवाल, एस.पी. श्री जे.आर. ठाकुर अउ बहुत अकन जनप्रतिनिधि उपस्थित रहिन।
मुख्यमंत्री श्री साय ह ब्रम्हलीन संत राम जानकी दास जी के समाधि स्थल म पहुंचके पुष्पांजलि अर्पित करिन अऊ सत्संग स्थल परिसर म रुद्राक्ष के पौधा रोपण करिन। मुख्यमंत्री ह शिव मंदिर म पूजा अर्चना करके प्रदेश के सुख-समृद्धि अऊ खुशहाली के कामना करिन।
मुख्यमंत्री ह ए बेरा म म आयोजित गुरू पूर्णिमा महोत्सव ल संबोधित करत उपस्थित सबो मनखे मन के स्वागत अभिनंदन करिन। उमन पाटेश्वर धाम म ब्रम्हलीन गुरुदेव राम जानकी दास के समाधि निर्माण कराए अउ मंदिर परिसर म हाई मास्ट लाईट लगाय अउ मंदिर परिसर म श्रद्धालु मन बर शेड निर्माण कराए के घोषणा करिन। मुख्यमंत्री ह जुगेंरा प्री-मैट्रिक बालक छात्रावास के सीट 50 ले बढ़ाके 100 करे के घोषणा करिन।