बाहिर ले अवइया जवइया जम्मो यात्री मन के होही कोरोना जांच — कलेक्टर ह दीन रेलवे स्टेशन के सरलग सेनेटाइजेशन के निर्देश

जगदलपुर 27 अप्रैल 2021 मंगल। कोरोना के बाढ़त संक्रमण के नियंत्रण बर राज्य शासन के निर्देशानुसार जिला प्रशासन डाहर ले मुख्य परिवहन केंद्र मन म यात्री मन के कोरोना जाँच करवावत हावय। उही केंद्र मन म कोरोना टेस्टिंग के बेव्स्था के जायजा लेहे बर कलेक्टर श्री रजत बंसल, पुलिस अधीक्षक श्री दीपक झा अउ सीईओ जिला पंचायत श्री इंद्रजीत चन्द्रवाल मंगल के जगदलपुर रेल्वे स्टेशन पहुँचीन।
कलेक्टर श्री बंसल ह कोरोना जांच दल ल जम्मो यात्री मन के कोरोना टेस्ट करे के निर्देश दीन। कोरोना टेस्ट म कोनो मनखे के आवत हे त ओकर बर एंबुलेंस के सुविधा उपलब्ध करवाए के तको निर्देश दीन । कलेक्टर श्री बंसल ह रेलवे स्टेशन प्रभारी अउ नगर निगम आयुक्त ल स्टेशन परिसर के सरलग नियमित सेनेटाईजेशन करवाए के निर्देश दीन । इही बेरा सहायक कलेक्टर सुश्री सुरुचि सिंह, नगर निगम आयुक्त प्रेम पटेल, रेलवे स्टेशन प्रभारी संग आने अधिकारी मन उपस्थित रिहिने ।