मुख्यमंत्री श्री भूपेश बघेल ह आज इहां अपन निवास म आयोजित जनचौपाल-भेंट मुलाकात कार्यक्रम म बहुत अकन जरूरतमंद मन ल स्वेच्छानुदान ले आर्थिक सहायता राशि मंजूर करिन। उमन भिलाई सेक्टर-32 निवासी श्री इंदरचंद जैन ल इलाज बर एक लाख रूपिया के राशि मंजूर करिन। श्री जैन पाछू एक साल ले लकवाग्रस्त हो गे हे। अवंति बिहार रायपुर निवासी श्री कुलवंत सिंह खुराना ल एक लाख रूपिया के सहायता, पेंशनबाड़ा रायपुर निवासी श्री पंकज कुमार मिश्रा ल व्यवसाय बर 50 हजार रूपिया, कबीरधाम जिला के पण्डरिया तहसील के ग्राम पलानसारी के दिव्यांग श्री सुशील चंद्रवंशी ल 10 हजार रूपिया, श्री मनोज चंद्रवंशी ल 10 हजार रूपिया, रायपुर भनपुरी गीतानगर निवासी श्री टी.वेंकटराव ल 10 हजार रूपिया, मौदहापारा रायपुर निवासी श्रीमती जरीना खान ल बेटी के शादी बर 10 हजार रूपिया, महासमुंद जिला के बागबहरा तहसील के ग्राम टोंगोपानी के जय मॉ दुर्गा महिला स्व सहायता समूह ल सामान खरीदी बर 10 हजार रूपिया के आर्थिक सहायता स्वीकृत करिन।
मुख्यमंत्री ह कबीरधाम जिला के विरेन्द्रनगर निवासी दिव्यांग श्री नेतराम साहू ल 10 हजार रूपिया, रायपुर कटोरा तालाब निवासी श्रीमती राधाबाघ ल पति के इलाज बर 10 हजार रूपिया, सरोरा गोंदवारा निवासी श्रीमती ईश्वरी बंजारे ल 4 वर्षीय बेटे के इलाज बर 10 हजार रूपिया, कबीरधाम के सहसपुरा लोहारा तहसील के ग्राम सूरजपुरा के श्री कृपाराम, श्रीमती नेमुनबाई, श्रीमती नुनका बाई, श्रीमती सीता साहू अऊ श्री साधेलाल, बेमेतरा जिला के ग्राम खपरी के श्रीमती अनिता बाई अऊ रायपुर रामसागरपारा के श्री टीकाराम ल 5-5 हजार रूपिया के आर्थिक सहायता राशि मंजूर करिन। मुख्यमंत्री ह कोरबा जिला के दादरखुर्द के प्रतिभा महिला स्व सहायता समूह ल धान कुट्टी हालर मिल अऊ हल्दी मिर्च आटा चक्की सेट बर कलेक्टर कोरबा ल डीएमएफ ले सहायता दे के निर्देश दीन।
इस समाचार को आप हिन्दी में इस कड़ी से पढ़ सकते हैं.
