कोरबा 08 अगस्त 2023
कलेक्टर सौरभ कुमार ह तत्काल कार्ड बनाए के दिए रहिस निर्देश
जनचौपाल में सुने जाथे आमजन के समस्या
…चूंकि मैं अबड़ गरीब हव, कोनो तरिका ले अपन गुजर-बसर करत हव, मोर बेटी घलो गरीब हे, फेर ओकर नाम ले अलग से राशनकार्ड नई बने हे। कलेक्टर साहब मोर बेटी के नाम ले अलग से राशनकार्ड बनवा देवव। ए बात जनचौपाल में पहुंचे पाली विकासखंड के अंतर्गत ग्राम बम्हनीकोना निवासी महिला अमरमती बाई ह कलेक्टर श्री सौरभ कुमार ले कहिस त संवेदनशील कलेक्टर ह उकर आवेदन म तत्काल संज्ञान लेत हुए उकर मांग ल पूरा करे म थोरकन घलो बेर नई करिस। ओ ह मौका म उपस्थित खाद्य विभाग के अधिकारी ल निर्देशित कर निर्धारित प्रक्रिया के पालन करत हुए आवेदिका अमरमती बाई के बेटी ममता कैवर्त के नाम म राशनकार्ड बनाए ब कहिस। कलेक्टर श्री सौरभ कुमार के निर्देश के बाद खाद्य विभाग के अधिकारी मन ह आवेदिका ले आवश्यक दस्तावेज लेके ममता कैवर्त के नाम म पात्रतानुसार प्राथमिकता राशनकार्ड जारी करिस। अब ओला बम्हनीकोना के राशन दुकानद पात्रतानुसार चाउर, नून, शक्कर सहित अउ दूसर राशन मिलही। कलेक्टर जनचौपाल में अपन फरियाद तुरंते पूरा होए ले अमरमती ह जिला प्रशासन के प्रति आभार व्यक्त करत हुए धन्यवाद ज्ञापित करिस हे।
