मुख्यमंत्री श्री भूपेश बघेल ह आज इहां अपन निवास म आयोजित जन चौपाल भेंट मुलाकात कार्यक्रम म दुर्ग जिला के पंचदेवरी गांव ले आए श्री किशन कुमार कुर्रे अऊ नवा रायपुर उपरवारा के श्री कुलेस्वर यादव ल मोटराइज्ड ट्रायसायकल प्रदान करिन। किशन कुमार ह दसवीं तक पढ़ाई करे हे वो अपन पिता के संग मजदूरी अऊ ट्रक म कंडेक्टरी करके घर परिवार के जीवन यापन म सहयोग करत रहिस। फेर साल 2013 म होए एक सड़क दुर्घटना म ओकर दुनों पांव कट गे अऊ वो ह आने-जाए म असमर्थ हो गे।
जन चौपाल म मुख्यमंत्री जब ओकर तिर मिले ल पहुँचिन त किशन ह उंखर से मोटराइज ट्रायसायकल देवाए के आग्रह करिस, मुख्यमंत्री ह अधिकारी मन ल तुरंते मोटरसाइकिल किशन कुमार ल उपलब्ध कराए के निर्देश दीन। ट्रायसायकल पाके किशन कुमार ह मुख्यमंत्री के आभार प्रकट करिस। किशन कुमार कुर्रे बताइस कि मोटराइज्ड ट्रायसायकल के माध्यम ले ओला अब आवागमन म सुविधा होही। अइसनहे जन चौपाल म नवा रायपुर ऊपरवारा निवासी कुलेश्वर यादव ल मुख्यमंत्री ह मोटराइज ट्रायसायकल प्रदान करिन। कुंलेश्वर के ब्रेन म पानी भर गए रहिन जऊन ल निकाले बर दू ले तीन ऑपरेशन होइस दुर्भाग्यवश ओखर कमर के नीचे के हिस्सा पैरालाइज हो गीस। मुख्यमंत्री ह उंखर समस्या सुनीन अऊ ओ मन ल मोटराइज ट्रायसायकल उपलब्ध कराईन। कुलेश्वर यादव घरे म किराना दुकान चालू करना चाहत हे वो ह कहिस कि अब ओ ल सामान लाय ले जाय म आसानी होही। कुलेश्वर ह 10वी तक के पढ़ाई करे हे।
इस समाचार को आप हिन्दी में इस कड़ी से पढ़ सकते हें.
