नगरीय प्रशासन मंत्री ह करीबन 63 लाख रूपिया के विकास काम मन के करिस भूमिपूजन
रायपुर, नगरीय प्रशासन अऊ श्रम मंत्री डॉ. शिव कुमार डहरिया ह सोमवार के दिन रायपुर जिला के आरंग म आयोजित कई ठन कार्यक्रम मन म सामिल होइन। उमन उहां करीबन 63 लाख रूपिया के विकास काम मन के भूमिपूजन करिन। एमां धीवर समाज के सामुदायिक भवन लागत करीबन 23 लाख रूपिया अऊ जुन्ना मुख्य नगर पालिका कार्यालय परिसर म अकतहा भवन निर्माण काम लागत करीबन 40 लाख रूपिया सामिल हे। डॉ. डहरिया ह खेल मैदान परिसर म आंवला के पौधा घलोक लगाइन। उमन नागपंचमी पर्व म आंरग अऊ प्रदेशवासी मन के सुख अऊ समृद्धि बर भगवान ले प्रार्थना करिन। ये मौका म उमन लक्ष्मी विहार म नवीन परमेश्वर महादेव मंदिर के प्राण-प्रतिष्ठा कार्यक्र म घलोक सामिल होइन। ये दौरान धीवर समाज के मनखे मन ह मंत्री डॉ. डहरिया ल मछली पकड़े के जाल भेंट करके आत्मीय स्वागत करिन।