कवर्धा, पंडरिया के एक नाबालिग टूरी संग सोशल मीडिया म मुंबई के एक टूरा ह दोस्ती कर लीस। थोकन दिन उकर मन तीर बात चीत होवत रहिस फेर वो टूरा ह टूरी संग मिलने बर पंडरिया आ गे। टूरी ल एती ओती घुमाईस अउ गोठ-बात म बहला के वोकर संग दुष्कर्म करिस अऊ अश्लील फोटो-वीडियो बना लीस। एखर बाद टूरी ल घेरी-बेरी मिले बर दबाव डारे लगिस। जब किशोरी ह मना करिस त अश्लील वीडियो अऊ फोटू सोशल मीडिया म डारे के धमकी देहे लागिस। टूरी ह तंग आके जम्मो बात ल अपन माता-पिता ल बता दीस।
एखर बाद मामला पुलिस तक पहुंचिस। टीआई मुकेश यादव ह आरोपी के नंबर सर्विलांस म डारिस त मुंबई के जोगेश्वरी वेस्ट म एक्टिव मिलीस। एक टीम गीस अऊ अलीसान खान (24 साल) ल गिरफ्तार कर लीस। आरोपी ले मोबाइल जब्त कर लेहे गए हे। ओखर खिलाफ दुष्कर्म, पॉक्सो एक्ट अऊ आन मामला के तहत कार्रवाई करे गए हे। आरोपी अलीसान खान ह पहिली किशोरी ल प्यार के झांसा दीस। एखर बाद मिले बर दबाव डारे लगिे रहिस। एक दिन वो पंडरिया पहुंच गीस। ओ हर किशोरी ल बलाइस त वो चल दीस। इही दौरान टूरा ह ओखर संग दुष्कर्म करिस। गंदा फोटू लीस अऊ वीडिया घलोक बना लीस। एखर बाद किशोरी डेरा गे। वो मिलना नइ चाहत रहिस, फेर आरोपी घेरी-बेरी दबाव डारे लगिस। जब किशोरी ह मना करिस त वो सोशल मीडिया म वीडियो पोस्ट करे के धमकी देहे लगिस। जब बात इहां तक आ गीस, तब किशोरी ह अपन माता-पिता ये बात बताइस।
किशोरी ले जनाकारी, प्यार के झांसा देके जनाकारी करईया आरोपी गिरफ्तार
