बिहाव करिहंव कहि के नोनी संग करिस जनाकारी, आरोपी गिरफ्तार

सरगुजा, 07 अपरेल 2024। सरगुजा जिला म कोतवाली पुलिस ह शादी के झांसा देके युवती संग रेप करइया आरोपी ल गिरफ्तार करे हे। युवती के गर्भवती होए म ओ ह बिहाव करे बर मनरा कर दीस, त युवती ह रिपोट दर्ज कराईस। आरोपी ह पीड़िता ल परिवार संग जान से मारे के धमकी दे रहिस। जानबा हे के, 6 अपरेल 2024 के युवती ह बताइस कि, समलाया मंदिर अंबिकापुर निवासी गणेश यादव (25) ह बिहाव करे के झांसा देके ओखर संग 1 अगस्त 2023 ले 28 मार्च 2024 के बीच सरलग जनाकारी करे रहिस। एखर से पीड़िता ह गर्भवती हो गीस। ओ ह गणेश यादव ले शादी करे बर कहिस त आरोपी ह इंकार कर दीस। पीड़िता ले शादी ले इंकार करत आरोपी ह कोनो ल घटना के जानकारी देहे म परिवार संग जान से मारे के धमकी देहे रहिस। कोतवाली पुलिस ह आरोपी गणेश यादव ल समलाया मंदिर तीर ले गिरफ्तार कर लेहे हे। ओला न्यायालय म पेश करे गीस, जिहां ले वोला जेल भेज दे गए हे।