मरवाही, 2 नवंबर 2020। जनता कांग्रेस के नेता अऊ विधायक देवव्रत सिंह अऊ प्रमोद शर्मा ह मरवाही उपचुनाव म कांग्रेस ल समर्थन देहे के ऐलान कर दीन।
एके प्रेस कॉन्फ्रेंस बर दुनों मरवाही पहुंचिन अऊ पेण्ड्रारोड म जिला के प्रभारी मंत्री जय सिंह अग्रवाल के संग पत्रकार मन ले बात करिन। उहें देवव्रत सिंह अऊ प्रमोद शर्मा के कांग्रेस ल समर्थन ल लेके अमित जोगी ह कहिन कि दुनों मोर भाई हे। मैं उंखर दिल से सम्मान करथो। मोर पिता जी ह घलो ओमन ल अपन बेटा माने। मगर अपन ए आचरण ले ओमन मोर स्वर्गीय पिता जी के आत्मा दुःख पहुँचाए हे। मुख्यमंत्री भूपेश बघेल ह जीते जी कोन प्रकार मोर स्वर्गीय पिता जी ल प्रताड़ित करिन, ओमन ल अंतागढ़, झीरम अऊ न जाने कतना अऊ मामला मन म झूठा फँसाये के लगातार षड्यंत्र रचत रहे, मोर पिता जी के छत्तीसगढ़ बर का सपना रिहिन- ए सब बात के बारे म विस्तार ले मोर पिता जी ह खुद अपन आत्मकथा म लिखे हे। मैं ओला पढ़े के सलाह दुनों ल देहु।
