जनचौपाल : भेंट-मुलाकात: प्रदेश के कई ठन जिला मन ले आए आमजन मन ह मुख्यमंत्री ले करिन मुलाकात

रायपुर, मुख्यमंत्री श्री भूपेश बघेल ह आज इहां राजधानी रायपुर के अपन निवास कार्यालय म आयोजित जनचौपाल भेंट मुलाकात म प्रदेश के कई ठन हिस्सा ले आए बड़ संख्या म मनखे मन अऊ प्रतिनिधिमण्डल मन ले मुलाकात करिन अऊ ऊंखर कोति ले देहे गे आवेदन अऊ ज्ञापन मन म जरूरी कार्यवाही बर संबंधित विभागीय अधिकारी मन ल निर्देश दीन। गृहमंत्री श्री ताम्रध्वज साहू, कृषि अऊ जलसंसाधन मंत्री श्री रविन्द्र चौबे, सांसद श्रीमती छाया वर्मा, विधायक द्वय श्री सत्यनारायण शर्मा ,श्री कुलदीप जुनेजा अऊ श्री विकास उपाध्याय घलोक ये बेरा म उपस्थित रहिन।

बलौदाबाजार जिला के ही सिमगा विकासखंड के टेमरी ले आए गांव वाले मन ह मुख्यमंत्री ल बताइन कि साल 2014-15 म बिलासपुर-रायपुर मार्ग बर उंखर जमीन अतिग्रहित करे गए रहिस, फेर मुआवजा बर पारित अवार्ड म विसंगति हे। गांव वाले मन ल उंखर जमीन के कम मुआवजा मिले हे। प्रतिनिधि मंडल ह मुख्यमंत्री ल ये संबंध म ज्ञापन संउपिन। मुख्यमंत्री ह ऊंखर ज्ञापन के परीक्षण कराके उचित कार्यवाही के आश्वासन दीन।

जन चौपाल म छत्तीसगढ़ सूक्ष्म अऊ छोटे उद्योग संघ के प्रतिनिधि मंडल ह मुख्यमंत्री ले मुलाकात करके ओ मन ल बताइन कि छत्तीसगढ़ राज्य औद्योगिक विकास निगम कोति ले कई ठन चीज मन बर पहिली एक साल बर रेट कान्ट्रेक्ट करे जात रहिस। अब छै महिना बर रेट कान्ट्रेक्ट करे जाही। दर तय करे के प्रक्रिया म करीबन छै महिना के समय लग जाथे। प्रतिनिधि मंडल ह मुख्यमंत्री ले रेट कान्ट्रेक्ट एक साल बर कराए बर पहल करे के आग्रह करिस। प्रतिनिधि मंडल ह ये घलोक बताइस कि फर्नीचर के मामला म तीन साल के गारंटी के शर्त लगाए गए हे। एखर से सप्लाई करइया उद्योग 10 प्रतिशत राशि नइ मिल पाही, जेखर से उद्योग मन ल कठिनाई के सामना करना परही। मुख्यमंत्री ह ये संबंध म प्रतिनिधि मंडल कोति ले सौंपे गए ज्ञापन के परीक्षण कराके उचित कार्रवाई के आश्वासन दीन।

एहू ल पढ़व ..  मुख्यमंत्री ले अमेरिका के एम्बेसडर श्री केनेथ जस्टर ह सौजन्य मुलाकात करिस

जन चौपाल म रायपुर निवासी श्री किशनलाल साहू ह मुख्यमंत्री ले मुलाकात करके ओ मन ल मुख्यमंत्री सहायता कोष बर 12 हजार रूपिया के सहायता राशि के चेक संउपिन। मुख्यमंत्री ह ये संवेदनशीलता बर श्री साहू ल धन्यवाद दीन।

लउछरहा..