भानुप्रतापपुर विकासखण्ड के तीन गांव मन म लगिस जनचौपाल

उत्तर बस्तर कांकेर, जन समस्या के निराकरण बर जिला प्रशासन ह गांव मन म चौपाल लगाके गांव वाले मन के समस्या अऊ शिकायत सुनत हे अऊ वोखर निराकरण बर घलोक कार्यवाही करत हे। इही कड़ी म भानुप्रतापपुर विकासखण्ड के ग्राम कोरर, भैसाकन्हार (क) अऊ ग्राम केंवटी म जनचौपाल लगाए गीस, जिहॉ जिला के कलेक्टर श्री चन्दन कुमार, पुलिस अधीक्षक श्री शलभ कुमार सिन्हा, वनमण्डलाधिकारी पूर्व भानुप्रतापपुर जाधव श्रीकृष्ण अउ पश्चिम भानुप्रतापपुर ससिगानंदन के., जिला पंचायत के मुख्य कार्यपालन अधिकारी सुमीत अग्रवाल अऊ एसडीएम भानुप्रतापपुर जितेन्द्र यादव ह गांव वाले मन ले गोठ-बात करत उंखर समस्या मन के जानकारी लीन अऊ ओखर निराकरण बर गांव वाले मन ल भरोसा देवाइन, कुछ प्रकरन मन म तुरंते कार्यवाही घलोक करे गीस।