मुख्यमंत्री जनदर्शन म दिव्यांग बलराम अऊ रोहित ल ट्रायसाइकिल के सौगात

रायपुर, 27 जून 2024। जनदर्शन कार्यक्रम म बलराम अऊ रोहित ल मुख्यमंत्री श्री विष्णु देव साय के हाथ आईस बॉक्स सहित ट्रायसाइकिल के सौगात मिलीस। दिव्यांग बलराम अऊ रोहित आज मुख्यमंत्री निवास कार्यालय रायपुर म आयोजित मुख्यमंत्री के जनदर्शन कार्यक्रम म पहुंचे रहिन। मुख्यमंत्री ले मुलाकात करके उमन आईस बॉक्स सहित ट्रायसाइकिल देहे के गिलोली करिन, ताकि एकर उपयोग फेरी वाले रोजगार व्यवसाय म कर सकयं अउ अपन जीवकोपार्जन कर सकयं। दिव्यांग बलराम बेमेतरा जिला के परसबोड़ अऊ रोहित कुमार भोथीडीह के रहइया हे। मुख्यमंत्री ह दुनों दिव्यांग युवा मन के रोजगार व्यवसाय करे के ललक के सराहना करिन अऊ ओ मन ल आईस बॉक्स सहित ट्रायसाइकिल प्रदान करे के संग ओ मन ल शुभकामना दीन।
बेमेतरा जिला के ग्राम परसबोड़ म रहइया युवक बलराम उमर 35 साल शुरू ले ही पैर ले दिव्यांग हे, जबकि दुर्घटना म चोट लगे के सेती युवक रोहित कुमार उमर 34 साल चले-फिरे म असमर्थ हो गए हे। दुनों दिव्यांग युवा अन्याश्रित रहे के बजाय खुद के रोजगार व्यवसाय करके सम्मानपूर्वक जीवन जीना चाहत हें। इही इरादा ले ये दुनों दिव्यांग युवा आज जनदर्शन म अपन फरियाद लेके पहुंचे रहिन।