रायपुर, 27 जून 2024। जनदर्शन म पहुंचे महंत स्वामी अनुसुइया दास जनदर्शन के व्यवस्था ल देखके गदगद हो गीन । उमन अपन अनुभव बतात कहिन के वर्षों बाद शुरू होय मुख्यमंत्री के जनदर्शन व्यवस्थित ढंग ले आयोजित करे गए हे। पहली पइत पानी के संग चाय अऊ बिस्कुट के व्यवस्था घलोक आम जनता बर करे गए हे। मनखे एक एक करके मुख्यमंत्री श्री विष्णु देव साय ले मिलके अपन समस्या बतावत हें अऊ आवेदन देवत हें। सहज सरल मुख्यमंत्री मनखे मन ले आत्मीयता ले मिलते हे, धैर्य के संग समस्या सुनत हें अऊ समस्या के यथा संभव समाधान बर प्रयास करे के भरोसा देवात हें। आम जनता ले मिले आवेदन मन के कंप्यूटर म एंट्री करके करवाई बर संबंधित विभाग ल भेजे जाही। मनखे मन ल आवेदन के कार्यवाही के जानकारी घर बइठे ऑनलाइन जनदर्शन पोर्टल
http://jandarshan.cg.nic.in/ म टोकन नंबर ले मिल सकही।
महंत स्वामी अनुसुइया दास जी ह बताइन के ओ मन मनखे मन के बीच बइठे अपन पारी के अगोरा करत रहिन, ए बेरा म बातचीत म लागीस के मनखे मन व्यवस्था ले संतुष्ट हे। महंत स्वामी दास गौरेला पेंड्रा मरवाही जिला के पेंड्रा म पूर्व केंद्रीय राज्य मंत्री श्री दिलीप सिंह जूदेव के स्मृति म वनवासी संस्कृत विद्यालय के संचालन करत हें। ओ मन विद्यालय म एक सांस्कृतिक मंच के निर्माण बर सहायता बर आए रहिन। उमन अपन आवेदन मुख्यमंत्री ल मिलके सौंपीन।
जानबा हे के मुख्यमंत्री निवास म आयोजित जनदर्शन म आगंतुक मन बर चाय, बिस्कुट, पानी के दू स्टाल लगाए गए हे । एक हेल्थ के स्टाल घलोक लगाए गए हे जिहां बीपी, शुगर के निःशुल्क जांच के सुविधा घलोक हे।
