रायपुर, सरकार के जनहितैषी निर्णय घरेलू उपभोक्ता मन ल 400 यूनिट तक विद्युत व्यय भार म आधा छूट ले बालोद जिला के आदिवासी विकासखण्ड डौण्डी के ग्राम खल्लारी के करीबन 70 वर्षीय आदिवासी किसान श्री प्यारी राम बर खुसी लेके आये हे। सरकार के निर्णय ले ओखर जिंदगी आसान हो गए हे। प्यारी राम ह बताइस कि ओखर पॉच सदस्यीय परिवार हे अऊ ओखर तिर मात्र एक एकड़ बाईस डिसमिल नवतोड़ जमीन हे। फसल के उत्पादन घलोक कम होथे। वो ह खेती के काम के अकतहा रोजी मजदूरी करके जीवन यापन करथे।
आकर बिजली बिल पहिली कभू एक सौ रूपिया, कभू एक सौ पचास रूपिया आत रहिस, कई पईत पइसा नइ होए ले बिजली बिल पटाना मुश्किल होत रहिस। फेर अब बिजली बिल आधा होए ले कभू पचास रूपिया अऊ कभू साठ रूपिया बिजली बिल आवत हे, जऊन ल वो ह आसानी ले अदा कर लेथे। प्यारी राम ह मगन होवत बताइस कि सरकार के योजना के तहत अब ओला हर महीना एक रूपिया प्रति किलोग्राम के भाव ले 35 किलोग्राम चॉउर मिलत हे, 350 रूपिया हर महिना वृद्धापेंशन मिलत हे अऊ बिजली बिल घलोक आधा हो गए हे, अब ओकर परिवार के संग जीवन व्यतीत करना आसान हो गए हे।
