रायपुर, 30 दिसम्बर 2020। छत्तीसगढ़ शासन कोति ले अनुसूचित जनजाति अऊ वनांचल क्षेत्र मन म आवागमन के सुविधा पहुंचाए म विशेष जोर देहे जात हे। जनजाति इलाका मन म मूलभूत अधोसंरचना के विकास बर सरलग काम जारी हे। बस्तर जिला के बस्तर विकासखंड के पाथरी गोंदियापाल के गांव वाले मन ह कपारी नाला म पुलिया अऊ एप्रोच रोड़ बनाए के मांग प्रशासन के आगू रखे रहिन। गांव वाले मन ह बताइन के कपारी नाला म पुलिया नइ होए के सेती ओ मन ल 10 किलोमीटर के लम्बा रद्दा तय करके बजार आए- जाल ल परत रहिस, संगेच नाला म पुलिया नइ होए के सेती दुर्घटना के आशंका हमेशा बने रहत रहिस। अब वनांचल म सड़क, पुल-पुलिया के बन जाय ले मनखे मन ल हाट बाजार अऊ रोजी-रोजगार के काम म आए-जाए के सुविधा हो गए हे।
प्रशासन ह छत्तीसगढ़ ग्रामीण सड़क विकास अभिकरण, भिरलिंगा ल बस्तर ब्लाक के पाथरी गोंदियापाल, बांसपानी चेराकुर मार्ग के कपारी नाला म 18 मीटर स्पान पुलियॉ अऊ 1.40 किमी. सड़क निर्माण करे के निर्देश विभागीय अधिकारी मन ल दे गीस रहिन। छत्तीसगढ़ ग्रामीण सड़क विकास अभिकरण कोति ले विशेष केन्द्रीय सहायता मद के एक करोड़ 20 लाख रूपिया के राषि ले ओ पुलिया अऊ एप्रोच रोड़ के निर्माण कराए गीस। अभी हाल म पाथरी गोंदियापाल, बांसपानी चेराकुर मार्ग के कपारी नाला म पुलिया अऊ सड़क निर्माण कराये ले ग्राम वासी मन ल अस्पताल, स्कूल, हाट-बाजार, ऑगनबाड़ी, उचित मूल्य के दुकान आदि ले संबंधित मूलभूत सुविधॉ उपलब्ध होवत हे। पुल अऊ सड़क के निर्माण होए ले गांव वाले मन ल 10 किलोमीटर के जगा 1.50 किमी. दुरी तय करके अपन दैनिक उपयोग बर हाट-बाजार, खाद्य सामान आसानी ले कम समय म उपलब्ध हो जात हे अऊ आवागन के सुविधा घलोक सुलभ हो गए हे।
