मुख्यमंत्री ह जनजातीय जीवनशैली उपर आधारित फोटो हैण्डबुक्स के करीन विमोचन

रइपुर, 09 अगस्त 2021 सम्मार। विश्व आदिवासी दिवस के बेरा म मुख्यमंत्री दाउ भूपेश बघेल ह आज अपन घर ले होवइया अर्चुअल कार्यक्रम म आदिम जाति अनुसंधान अउ प्रशिक्षण संस्थान (TRI) कोति ले तियार जनजातीय जीवन शैली उपर आधारित फोटो हैण्ड बुक्स के अंग्रेजी रूपांतरण के विमोचन करीन।
आदिम जाति अनुसंधान अउ प्रशिक्षण संस्थान कोति ले बैगा, गोंड, अगरिया अउ कंवर अउ हल्बा जनजाति मन के जीवनशैली उपर आधारित फोटो हैण्डबुक्स म राज्य के माझी, परधान, गडबा (गदवा) अउ पाव जनजाति के जीवनशैली उपर आधारित छायांकित अभिलेखीकरण तको वर्णित हवय। येमें ये जनजाति मन के उत्पत्ति संबंधी अवधारणा, बसाहट, सामाजिक संगठन, भौतिक संस्कृति, आर्थिक जीवन, धार्मिक जीवन, जीवन संस्कार, परंपरागत न्याय पद्धति अउ ओमा विकास अउ परिवर्तन ल आकर्षक छायाचित्र के माध्यम ले दर्शाय गेहे हवय। राज्य म जनजाति मन के संस्कृति के संरक्षण अउ संवर्धन के उद्देश्य ले छायांकित अभिलेखीकरण श्रृंखला के अंतर्गत 35 जनजातीय समुदाय मन के जीवनशैली उपर आधारित फोटो हैण्डबुक्स के प्रकाशन पहिलीच ले कराए जा चुके हवय।
ये बेरा म मुख्यमंत्री घर म गृहमंत्री श्री ताम्रध्वज साहू, खाद्य मंत्री श्री अमरजीत भगत, अनुसूचित जाति अउ जनजाति विकास मंत्री डॉ. प्रेमसाय सिंह टेकाम, वन मंत्री श्री मोहम्मद अकबर, संसदीय सचिव श्री द्वारिकाधीश यादव, मुख्यमंत्री के सलाहकार श्री राजेश तिवारी, मुख्यमंत्री के अपर मुख्य सचिव श्री सुब्रत साहू, प्रधान मुख्य वन संरक्षक अउ वन बल प्रमुख श्री राकेश चतुर्वेदी संग बड़का प्रशासनिक अधिकारी संघरे रिहिन।