जांजगीर-चांपा, कलेक्टर श्री तारन प्रकाश सिन्हा ह आज कलेक्ट्रेट सभाकक्ष म राजस्व अधिकारी मन के बैठक लेके तहसीलवार राजस्व कार्य मन के समीक्षा करिन। बैठक म कलेक्टर ह कहिन कि राजस्व अधिकारी तीर आम जनता के सेवा करे के सबले जादा अवसर होथे। राजस्व अधिकारी-कर्मचारी के काम केवल दफ्तर म बइठना नइ होवय भलुक आमजनता, किसान मन के हित म राजस्व अधिकारी ल नियमित दौरा करना चाही अऊ जमीनी स्तर म दौरा करत, आम मनखे मन ले मिलके उंखर समस्या मन ल समझत उमन ल जादा ले जादा सुविधा अऊ राहत देवाए के उदीम करना चाही।
बैठक म कलेक्टर ह सबो राजस्व अधिकारी मन ल पूरा पारदर्शिता, ईमानदारी अऊ संवेदनशीलता के संग आम जनता के हित म काम करे ल कहिन। उमन कहिन कि गिरदावरी के काम राज्य के किसान मन के हित म अऊ राज्य सरकार के बिकट जरूरी काम ये, ते पाए के ये काम ल बिना गलती के करव। बैठक म उमन कहिन कि गिरदावरी काम म कोनो गड़बड़ी पाए जाही त संबंधित राजस्व अधिकारी के विरूद्ध सख्त ले सख्त कार्रवाई करे जाही।
जांजगीर-चांपा : राजस्व अधिकारी मन पूरा पारदर्शिता, ईमानदारी अऊ संवेदनशीलता ले काम करव – कलेक्टर
