मुख्यमंत्री श्री भूपेश बघेल ह जांजगीर-चांपा जिला म 122 करोड़ 96 लाख रूपिया के लागत के निर्माण कार्य मन के करिन लोकार्पण अऊ भूमिपूजन.

रायपुर, 18 जून 2021। मुख्यमंत्री श्री भूपेश बघेल ह आज इहां अपन निवास कार्यालय म आयोजित वर्चुअल कार्यक्रम म जांजगीर-चांपा जिला म 122 करोड़ 96 लाख रूपिया के लागत के 144 कई ठन निर्माण कार्य मन के लोकार्पण अऊ भूमिपूजन करिन। ए काम मन म 46 करोड़ 75 लाख रूपिया के 41 काम के लोकार्पण अऊ 76 करोड़ 21 लाख रूपिया के 103 काम के भूमिपूजन करे गीस।
स्वास्थ्य मंत्री श्री टी.एस. सिंहदेव, कृषि मंत्री श्री रविंद्र चौबे, स्कूल शिक्षा मंत्री डॉ प्रेमसाय सिंह टेकाम, महिला अउर बाल विकास मंत्री श्रीमती अनिला भेंडिया, मुख्यमंत्री के प्रमुख सचिव श्री सुब्रत साहू, रायपुर स्थित मुख्यमंत्री निवास म उपस्थित रहिन। विधानसभा अध्यक्ष डॉ चरणदास महंत, सांसद श्रीमती ज्योत्सना महंत, राजस्व मंत्री श्री जयसिंह अग्रवाल कार्यक्रम ले वीडियो कॉन्फ्रेंसिंग के माध्यम ले जुडि़न।