जांजगीर-चांपा जिला स्वास्थ्य सेवा मन के दृष्टि ले सुविधा पूर्ण जिला बनही : श्री भूपेश बघेल

रायपुर, 16 मई 2021। मुख्यमंत्री श्री भूपेश बघेल ह कहिन के अवईया समय म जांजगीर-चांपा जिला स्वास्थ्य सुविधा अऊ स्वास्थ्य सेवा के क्षेत्र म पूर्ण जिला बनही। एखर बर राज्य शासन के स्तर ले संसाधन मन के कमी नइ होन दे जाए। जिला प्रशासन जिला म स्वास्थ्य सेवा मन के विस्तार बर कार्ययोजना तियार करके शासन स्तर म भेजही त कार्ययोजना ल मंजूरी देहे जाही। उमन कहिन के राज्य सरकार के ये प्रयास होही के जांजगीर-चांपा जिला के मनखे मन ल इलाज बर बाहिर झन जाना परय। मुख्यमंत्री ह आज इहां अपन निवास कार्यालय म वीडियो कॉन्फ्रेंसिंग के संग आयोजित कार्यक्रम म जांजगीर-चांपा जिला म कोविड-19 प्रबंधन बर 7 नवा कोविड केयर सेंटर मन के उद्घाटन करिन। ए सेंटर मन म कुल 508 बिस्तर उपलब्‍ध हे। जेमें 214 ऑक्सीजन बेड अऊ 294 सामान्य बेड हे।
कार्यक्रम म विधानसभा अध्यक्ष डॉ. चरणदास महंत, स्वास्थ्य मंत्री श्री टी.एस. सिंहदेव, नगरीय प्रशासन मंत्री डॉ. शिवकुमार डहरिया, सांसद श्री गुहराम अजगले, विधायक श्री रामकुमार यादव, श्री नारायण चन्देल अऊ श्रीमती इंदू बंजारे, राज्य गौसेवा आयोग के अध्यक्ष महंत श्री रामसुन्दर दास संग जिला के बहुत अकन जनप्रतिनिधि वीडियो कॉन्फ्रेंसिंग ले जुड़े रहिन। विधानसभा अध्यक्ष डॉ. महंत ह कार्यक्रम म जांजगीर-चांपा जिला म स्वास्थ्य सुविधा मन के विस्तार के जरूरत बताए रहिन।