- जांजगीर-चांपा जिला म चारागाह मन के होवत हे तेजी ले विकास
- रखिया, करेला के बीज रोपित करके सब्जी उगाए बर समूह के महिला मन ल करे जात हे प्रेरित
- जिला पंचायत सीईओ ह कापन, खोंड, किरारी अऊ झलमला गौठान चारागाह मन के करिन सघन निरीक्षण
जांजगीर-चांपा, 27 जून 2020। जिला पंचायत मुख्य कार्यपालन अधिकारी श्री तीर्थराज अग्रवाल ह सुकरवार के अकलतरा विकासखण्ड के ग्राम पंचायत मन म विकसित करे जात चारागह मन के सघन निरीक्षण करिन।
उमन महिला स्व सहायता समूह मन ल उन्नत किसिम के सब्जी बीज किट के वितरण करिन। ये दौरान उमन गोठान म रखिया, करेला आदि बीज के रोपण कर अऊ समूह अऊ गांव वाले मन ल बरसात के मौसम म सब्जी उगाए बर प्रेरित करिन। उमन कहिन के कलेक्टर श्री यशवंत कुमार के मार्ग निर्देशन म गौठान अउ चारागाह विकास काम के नियमित रूप ले निरीक्षण करे जा रहात हे। ये तारतम्य म ऊंखर कोति ले कापन, खोंड, किरारी अऊ झलमला ग्राम पंचायत म गौठान अउ चारागाह के निरीक्षण करे गीस।
