रायपुर, मुख्यमंत्री श्री भूपेश बघेल ले काली संझा ऊंखर निवास कार्यालय म संसदीय सचिव श्री यू.डी. मिंज के सियानी म जशपुर जिला ले आए जनपद पंचायत बगीचा के पदाधिकारी मन ह सौजन्य मुलाक़ात करिन। पदाधिकारी मन ह मुख्यमंत्री ल जनपद पंचायत बगीचा म होवत कई ठन विकास काम मन के जानकारी दीन। मुख्यमंत्री श्री बघेल ह प्रतिनिधिमंडल ले संग आए तीन बछर के नान्हें नोनी सभ्या प्रधान ल बड़ मया ले गोदी म लेके गोठ-बात करत भरपूर मया तको दीन।
ये बेरा म मुख्यमंत्री श्री बघेल ह नान्हें नोनी के हाजिर जवाबी वाले उत्तर ले बहुत प्रभावित घलोक होइन। उमन नोनी ले बातचीत करत आंगनबाड़ी म उपलब्ध कराए जात भोजन, पढ़ई अऊ खेल गतिविधि मन के बारे म पूछिन। ये बेरा म गृह अउ लोक निर्माण मंत्री श्री ताम्रध्वज साहू अऊ जनपद पंचायत बगीचा के अध्यक्ष श्री जगन राम भगत, उपाध्यक्ष श्री सुरेश जैन, श्रीमती आशिका कुजूर, श्री राम जी राम भगत, श्री शिशुपाल यादव, सुश्री ज्योति खेस, श्री सुरुत कुमार सिदार संग आन सदस्य उपस्थित रहिन।
मुख्यमंत्री ले जनपद पंचायत बगीचा के पदाधिकारी मन ह करिन सौजन्य मुलाकात
