रायपुर, मुख्यमंत्री निवास म आज आयोजित जनचौपाल-भेंट मुलाकात म मुख्यमंत्री श्री भूपेश बघेल ह प्रदेश के कई ठन जगा ले आए जरूरतमंद मन ल आर्थिक सहायता प्रदान करिन। मुख्यमंत्री ह कबीरधाम जिला के विकासखण्ड लोहारा के ग्राम कोसमंदा निवासी श्री मनहरण साहू ल मनिहारी व्यवसाय शुरू करे बर मुख्यमंत्री स्वेच्छानुदान मद ले 15 हजार रूपिया के आर्थिक सहायता स्वीकृत करे हें।अइसनहे कोरबा के जुन्ना बस्ती निवासी कुमारी प्रेमलता महंत ल स्वरोजगार बर स्वेच्छानुदान ले 10 हजार रूपिया, बालोद जिला के ग्राम बोड़की निवासी श्री राजकुमार राणा ल इलाज बर मुख्यमंत्री सहायता कोष ले 25 हजार रूपिया अऊ ग्राम मानिकपुर निवासी उषा कुजूर ल साग भाजी व्यवसाय बर स्वेच्छानुदान मद ले 20 हजार रूपिया के आर्थिक सहायता प्रदान करे हें।
इस समाचार को आप हिन्दी में इस कड़ी से पढ़ सकते हैं.