जशपुर, 02 मार्च 2024। मुख्यमंत्री श्री विष्णुदेव साय ह मोदी के गारंटी के तहत अपन पहिलीच कैबिनेट म प्रदेश म 18 लाख आवास निर्माण के मंजूरी देहे हें। मुख्यमंत्री के निर्देश म योजना के अंतर्गत पूरा प्रदेश म तेजी ले घर निर्माण के काम करे जात हे। खुद मुख्यमंत्री के गृह जिला जशपुर म प्रधानमंत्री आवास योजना ग्रामीण के अंतर्गत पाछू तीन महीना म ही 5 हजार 611 घर निर्माण के काम पूरा करे गए हे।
जशपुर जिला के सबो जनपद मन म साल 2016 ले 2023 तक कुल 61 हजार 784 आवास स्वीकृत होए हे। एमां निर्माणाधीन आवास हितग्राही मन ले समन्वय स्थापित करत जनपद अउ ग्राम पंचायत स्तर म कार्यरत अमला मन के सतत मॉनीटरिंग म अब तक 53 हजार 121 घर पूरा होए हे अऊ बांचे आवास मन के मॉनीटरिंग घलोक लगातार करे जात हे। राज्य शासन ह हितग्राही मन के किस्त के राशि समय म मिलत हे। जेखर से सबो प्रगतिरत घर ल तय समय-सीमा म पूरा करे म हितग्राही मन ल आसानी होवत हे।
प्रधानमंत्री आवास योजना ग्रामीण के अंतर्गत जल्दी-जल्दी होवत हे आवास निर्माण
