किसान मन के खेत म दुफसली ले बाढ़त हे अमदानी

जशपुर, छत्तीसगढ़ शासन के महत्वकांक्षी योजना नरवा, गरूवा, घुरूवा, बाड़ी योजनांतर्गत चिन्हांकित नरवा ल जल संरक्षण संवर्धन बर संरक्षित करे जात हे ताकि किसान मन ल खेती किसानी बर भरपूर मात्रा म सिंचाई बर जल के सुविधा उपलब्‍ध हो सकय। अधिकतर ग्रामीण क्षेत्र मन म किसान वर्षा के जल उपर ही खेती बर निर्भर रहिथें।
जशपुर जिला म नाला उपचार के काम ब्रशहुड, गली प्लग, बोल्ड चेक अऊ गेबियन नाला गहरीकरण आदि के काम अऊ क्षेत्र उपचार के तहत सी.सी.टी., एस.सी.टी, मेढ़बंधान, डबरी, कुआं, 30-40 मॉडल, तालाब गहरीकरण, नवीन तलाब, जमीन सुधार के काम स्वीकृत करे गए हे अऊ काम करे जात हे अब तक पहिली चरण के 67 नरवा के काम ल पूरा कर ले गए हे संगेच ग्रामीण क्षेत्र मन म स्थानीय गांव वाले मन ल मनरेगा के तहत् रोजगार तको देहे जात हे।
मनरेगा के एपीओ श्री अस्वनी व्यास ह बताइस कि नाला मन म भरपूर पानी रहे ले किसान मन ल बने फसल लेहे म सुविधा होवत हे अऊ उमन ल वर्षा के जल उपर निर्भर नइ रहना परत हे। जिला म नरवा विकास योजना ले क्षेत्र के चहुंमुखी विकास होवत हे। भू-जल संरक्षण अऊ संवर्धन ले क्षेत्र म पानी के समस्या अब नइ होवत हे अऊ किसान मन के खेत मन म दुफसली होए ले गांव वाले मन के आमदनी बाढ़त हे।