नरवा के पानी के उपयोग करके अब किसान दोहरी खेती के उठावत हें लाभ

किसान राजेश कुमार, रामलाल, जगरनाथ के खेत मन म आईस हरियाली
फरसाबहार के डोंगादरहा म नाला सफाई, पचरी निर्माण काम 11 लाख 26 हजार के लागत ले कराए गीस
जशपुरनगर, राज्य सरकार के महत्वाकांक्षी ‘नरवा विकास योजना’ के तहत नाला सफाई काम ले जिला म भू-जल संरक्षण म बढ़ोत्तरी के संग वनांचल के अनउपजाऊ जमीन घलोक उपजाऊ बनत हे। वन क्षेत्र मन म नाला उपचार बर स्टॉप डैम, बोल्डर चेक डैम, गेबियन आदि भू-जल आवर्धन संबंधी संरचना मन के निर्माण तेजी ले करे जात हे।
ये कड़ी म फरसाबहार विकासखण्ड के ग्राम पंचायत डोंगादरहा म बाढ़ नियंत्रण अऊ संरक्षण के तहत् साल 2019-20 म नरवा कार्यक्रम अन्तर्गत नाला सफाई सह पचरी निर्माण 11 लाख 26 हजार के लागत ले कराए गीस।
लाभार्थी कृषक राजेश कुमार ह बताइस के ओ मन अपन खेत मन गेंहू, धान अऊ सब्जी जइसे आलू, प्याज, भिंडी, बरबट्टी, मूंगफल्ली आदि के खेती करके सालाना 30 ले 40 हजार रूपिया के मुनाफा लेवत हें। कृषक दयालू राम ह कहिस के धान, गेहूं अऊ मूंगफल्ली ले 30 हजार के आमदनी होए हे। कृषक वितन पड़वा 15 हजार के फसल बेचे हे, रामलाल रतिया गेहूं अउ साग-सब्जी के सामूहिक रूप ले कृषि करत हे। गौतम राम अउ अर्जुन सिंह ह बताइस कि हर बछर 50 हजार ले 1 लाख रूपिया तक आय होवत हे। जेखर से सबो कृषक अपन जीवन स्तर म वृद्धि करत हें।
नरवा कार्यक्रम अन्तर्गत नाला के उपचार ह गांव के किसान मन बर वरदान साबित होवत हे। आय के अकतहा स्त्रोत प्राप्त होए हे। पशु मन बर गर्मी के दिन मे घलोक चारा पानी बर पानी आसानी ले मिलत हे संगेच पचरी के निर्माण होए ले गांव वाले मन के निस्तारीकरण म घलोक सुविधा होवत हे।