देश के राजधानी दिल्ली तक पहुंचत हे जशपुर के नाशपाती

जशपुर, छत्तीसगढ़ के जशपुर जिला के नाशपाती के स्वाद देश के राजधानी दिल्ली ल पसंद आवत हे। दिल्ली के अलावा उत्तरप्रदेश, रांची समेत देश के कई ठन राज्य मन म जशपुर के नाशपाती बिसाए जात हे। अपन प्राकृतिक सुंदरता अऊ आदिवासी संस्कृति बर पूरा देश म प्रसिद्ध जशपुर के दूरस्थ अंचल के किसान अपन खेत मन म साग-सब्जी के अलावा नवीन पद्धति ले चाय, काजू, टमाटर, मिर्च, आलू के घलोक अच्छा खेती करत हें। इहां के बगीचा विकासखंड के पठारी क्षेत्र मन म बड़का पैमाना म नाशपाती के खेती करे जात हे। ये खेती ले अंचल के किसान मन ल अच्छा मुनाफा मिलत हे। जशपुर जिला म करीबन रकबा 750.00 हेक्टेयर म 660 मीट्रिक टन नाशपाती के उत्पादन होवत हे, जेखर से 17 सौ ले घलोक जादा किसान लाभान्वित होवत हे। ऊंखर जीवन म अभूतपूर्व बदलाव आवत हे।