- साग-सब्जी बेंचे ले हर महिना 10 हजार के लाभ
- कुंआ खोदाए ले सुधियारो बाई के जिंदगी म आईस खुशहाली
जशपुरनगर, महात्मा गांधी नरेगा योजना ले कई ग्रामीण क्षेत्र मन के हितग्राही मन ल लाभांवित करे जात हे। गांव म किसान मन ल कुआं निर्माण, तालाब निर्माण, मानव दिवस उपलब्ध कराए ले गांव वाले मन ल रोजागर मिले हे अऊ उंखर आर्थिक स्थिति मजबूत होए हे। कांसाबेल विकासखंड के ग्राम सुजीबहार निवासी सुधियारो बाई के खेत म जिला प्रशासन ह मनरेगा तहत् 2 लाख 10 हजार के लागत ले कुआं खोदवाए हे। खेती किसानी बर पानी के सुविधा मिले ले अब साग-सब्जी उपजाए म आसानी होवत हे, संगेच अपन परिवार के संग सुधियारो बाई सुग्धर जीवन यापन करत हे।
सुधियारो बाई के बताती कुंआ खोदाए ले अब वो ह हरेक सीजन म खेती किसानी के लाभ उठाथे। सिचाई के चिंता नइ रहय। अपन जमीन म किसीम-किसिम के साग-सब्जी अउ दाल के खेती करथे। साग-सब्जी के उत्पादन जादा मात्रा म होए ले कुछ सब्जि अपन घरेलू उपयोग बर रखथे अऊ बाकी सब्जि ल स्थानीय हाट-बाजार म बेंच देथे। एकर से वोला हर महिना 9 ले 10 हजार रुपए के लाभ हो जाथे।
वोकर बताती वोखर परिवार के मुख्य आजीविका के साधन कृषि हे। वोखर पति झगर राम के आकस्मिक मृत्यु के बाद परिवार के जम्मो जिम्मेदारी वोखर खांधा उपर आ गे। ओ ल खेती किसानी के संबंध म बनेच जानकारी हे। जेखर लाभ ओ ल खेती करे म मिलत हे। खेती किसानी करे म ओ ल अब कोनो चिंता नइ हे। वो ह खुशी जाहिर करत जिला प्रशासन अउ छत्तीसगढ़ शासन ल धन्यवाद देहे हे।
