मुख्यमंत्री श्री साय ल जशपुर के बहिनी मन ह बांधिन राखी

रक्षाबंधन भाई-बहिनी के मया अऊ भरोसा के चिनहारी – मुख्यमंत्री श्री साय
जशपुर, मुख्यमंत्री श्री विष्णु देव साय के गृह ग्राम बगिया स्थित कैंप कार्यालय म रक्षाबंधन के अवसर म कई ठन योजना मन ले लाभान्वित बहिनी मन ह राखी बांधके आभार व्यक्त करिन। प्रधानमंत्री आवास योजना, महतारी वंदन योजना के हितग्राही दीदी मन के संग आंगनबाड़ी कार्यकर्ता-सहायिका, मितानिन अऊ स्व-सहायता समूह के बहिनी मन ह घलोक मुख्यमंत्री श्री साय के कलाई म राखी बांधिन अऊ ऊंखर दीर्घायु के कामना करिन।
मुख्यमंत्री श्री साय ह सबो बहिनी मन ल रक्षाबंधन के हार्दिक बधाई देवत कहिन के ये परब भाई-बहिनी के अटूट रिश्ता, स्नेह अऊ सम्मान के चिनहारी ये। उमन कहिन के सरकार छत्तीसगढ़ के तीन करोड़ जनता के विकास बर सरलग काम करत हे अऊ मोदी जी के गारंटी के मतलब हे—वादा पूरा होए के गारंटी।
मुख्यमंत्री श्री साय ह जशपुर के विकास के उल्लेख करत उमन बताइन के जशपुर जिला म मेडिकल कॉलेज, नर्सिंग कॉलेज, फिजियोथेरेपी अऊ उद्यानिकी कॉलेज, 200 बिस्तर के अस्पताल अऊ बेहतर बिजली आपूर्ति बर हर्राडांड (कुनकुरी) म प्रदेश के पाँचवाँ पावर प्लांट स्थापित करे के स्वीकृति मिल गे हे। उमन आश्वासन दीन के जशपुर के विकास म कोनो बाधा नइ आवय।
ए बेरा म श्री उपेंद्र यादव, श्री सुनील गुप्ता, सरगुजा कमिश्नर श्री नरेंद्र दुग्गा, आईजी श्री दीपक कुमार झा, जिला पंचायत सीईओ श्री अभिषेक कुमार, जनप्रतिनिधिगण, स्व-सहायता समूह के दीदी मन अऊ हितग्राही महिला मन बड़ संख्या म उपस्थित रहिन।