- सिंचाई के साधन होए ले हर बछर अब कमावत हे 40 हजार रुपिया
- मनरेगा म घलोक मानव दिवस मिले ले आमदनी म होवत हे बढ़ोतरी
जशपुरनगर, महात्मा गांधी राष्ट्रीय ग्रामीण रोजगार गारंटी योजना अंतर्गत जिला म चलत हितग्राही मूलक काम मन ले कई किसान मन ल लाभ पहुंचत हे। उहें मजदूर मन के घलोक आर्थिक स्थिति सुदृढ़ करे म मनरेगा कारगर साबित होवत हे। कोविड-19 के समय अपनेच गांव म किसान मन ल कुंआ, डबरी, तालाब जइसे कई योजना ले लाभांवित करके ऊंखर खेत मन म पानी के सुविधा उपजब्ध कराए गए रहिस, जेखर से ओ मन साल म एक ले जादा फसल लेके अपन आर्थिक स्थिति म सुधार लावत हें। इही पाए के गांव वाले मन कोविड-19 के दौर म घलोक अपन परिवार ल हर जरूरत के चीज उपलब्ध करा पाय म सफल रहिन।
जिला के विकासखंड पत्थलगांव के सूरजगढ़ गांव के निवासी 56 बछर के सागर पिता चंदन के जिंदगी ल कुंआ निर्माण ह एक नवा दिशा देहे हे। ये ह ओखर जीवन-यापन के साधन ल सशक्त करके आर्थिक उन्नति के रस्ता परखर करे हे। अब ओ ल करीबन 40 हजार रूपिया के सालाना अमदानी मिलत हे। मनरेगा योजना अंतर्गत साल 2019-20 म 2.35 लाख के लागत ले किसान सागर के खेत म कुंआ के निर्माण होए रहिस।
कुंआ बने के पहिली खेती बर सागर ल केवल बरसात के पानी उपर ही निर्भर रहना परत रहिस अउ वो ह साल म एक्के फसल ले पात रहिस। सिंचाई साधन नइ होए के सेती ओखर बाड़ी म साग-सब्जी के उत्पादन घलोक संभव नइ रहिस, वो चाहके घलोक अकतहा आय उपार्जित नइ कर पात रहिस, फेर अब ओखर जमीन म कुऑ बने ले सिंचाई के समसिया खतम हो गे हे। किसान सागर ह अपन खेत म रबी फसल अउ बाड़ी म साग-सब्जी के उत्पादन करत हे। अभी हाले म सागर ह अपन बाड़ी म टमाटर, आलू, पज भाजी, सेमी, लहसुन, धनिया आदि के खेती करत हे। जेखर उपयोग वो खुद अपन बर करे के संग स्थानीय बाजार म विक्रय बर करत हे। स्थानीय बाजार म ताजा सब्जि मन के मांग के सेती ओखर सब्जि मन के विक्रय आसानी ले हो जात हे।
जेखर से ओला करीबन 30 हजार के वार्षिक लाभ होवत हे अउ खरीफ फसल के समय घलोक धान संग आन फसल ले घलोक करीबन 10 हजार तक के लाभ मिल जात हे। ए प्रकार ले किसान सागर के कुंआ बने ले साल भर म करीबन 40 हजार तक के आमदनी मिलत हे अऊ ओखर आर्थिक स्थिति मजबूत होवत हे। किसान सागर ह महात्मा गांधी नरेगा योजना ले कुआं निर्माण बर जिला प्रशासन ल धन्यवाद देवत कहिस कि मनरेगा ले निर्मित कुंआ ले निश्चित ही ओखर आजीविका म बढ़ोत्तरी होइस हे अऊ ओकर परिवार के आर्थिक स्थिति म सुधार होय हे। ओ ह कहिस कि महात्मां गांधी नरेगा ले ओखर संग गांव के आन गांव वाले मन ल घलव रोजगार प्राप्त होय हे।
