कलेक्टर डॉ. रवि मित्तल ह आंध्रप्रदेश म उपलब्ध कराइस शव वाहन
जशपुर, 23 दिसंबर, 2023। रोजगार के तलाश म आंध्र प्रदेश के विशाखापट्टनम गे जशपुर निवासी प्रवासी मजदूर के संदिग्ध हालत म मृत्यु हो गे। मृतक के शव ल गृहग्राम तक लाय बर, मृतक के परिजन मन सरकार ले सहायता मांगिन, मुख्यमंत्री श्री विष्णु देव साय के निर्देश म प्रशासन ह पहल करिस। जानकारी के मुताबिक जिला के फरसाबहार ब्लाक के पुरईनबंध निवासी मृतक नरसिंह पैंकरा अपन दू संगी मन के संग रोजगार के तलाश म विशाखापट्टनम गए रहिस। मृतक के संगी मन ह बताइन कि नरसिंह पैंकरा के शव दू दिन पहिली विशाखापट्टनम के अंगोल म रेल पटरी के बीच म रेल्वे पुलिस ह बरामद करे रहिस। मृतक के शव बरामद होए के बाद ओखर संथी मन के सामने शव ल विशाखापट्टनम ले पुरईनबंध लाय के समस्या खड़े हो गीस। अइसन म मृतक के परिजन मन ह सहायता बर मुख्यमंत्री श्री साय ले गुहार लगाईन। मुख्यमंत्री साय ह मृतक के शव ल अंगोल ले पुरईनबंध लाय बर वाहन के तुरंत व्यवस्था करे के निर्देश अधिकारी मन ल दीन। अंगोल म शव वाहन के व्यवस्था होए म मृतक के शव बिरसपत के गृहग्राम पुरईनबंध पहुंचिस। इहां मृतक के अंतिम संस्कार करे गीस। मृतक के स्वजन मन ह मुख्यमंत्री श्री विष्णुदेव साय ल धन्यवाद दीन। उमन कहिन कि मुख्यमंत्री के निर्देश के बाद उंखर बड़का समस्या हल हो गे।