जशपुरनगर : सीमी भगत अऊ जियतभान राम चरवाहा ल अपन गांव के गौठान म मिलीस रोजगार

जशपुरनगर, कलेक्टर डॉ. रवि मित्तल ह आज कलेक्टर आपिस ले वीडियो कॉल के माध्यम ले गौठान के चरवाहा कांसाबेल विकासखण्ड के शब्दमुण्डा ग्राम रेबड़ा के सीमी भगत अऊ चिडोरा के जियतभान राम ले योजना के जानकारी लीन।
हितग्राही सीमी भगत ह बताइस कि वोला गांव के गौठान म चरवाहा काम बर रखे गए हे। गौठान के देख-भाल करे बर 4 हजार गौठान समिति कोति ले हर महिना देहे जात हे। गोबर बेचके वो ह 10 हजार कमाए तको हे अऊ मनरेगा के तहत् गांव म रोजगार देहे गए हे। वो ह बताइस के छत्तीसगढ़ शासन के योजना के लाभ लेके गांवे म रोजगार मिले हे अऊ ओ ह आत्मनिर्भर बन गए हे।
अइसनहे चिडोरा गौठान के चरवाहा जियतभान राम ह बताइस कि गौठान के देखभाल करे बर गांवे म चरवाहा काम बर वोला लगाए गए हे। एक साल ले गौठान के देखभाल करत हे। हर महिना 4 हजार रूपिया ओ ल गौठान समिति ले मिलथे। अब तक ओ ल एक साल म गौठान के देखभाल बर मानदेय 40 हजार रूपिया मिल गए हे। संगेच गोबर बेचके करीबन 10 हजार के लाभ हेए हे। वो ह छत्तीसगढ़ शासन के योजना ल सहरावत कहिस के ग्रामीण क्षेत्र मन बर ये योजना बहुतेच लाभदायक हे। ये योजना के लाभ उठाके महिला मन के संग पुरूष मन ल रोजगार देहे जात हे। एखर बर वो ह मुख्यमंत्री ल धन्यावद देहे हे। आन चरवाहा मन ह बताइन के गौठान मन म चरवाहा रखे ले अब गौठान पूरा सुरक्षित हे।