कलेक्टर ह पत्ताकेला अउ बगडोल म देवगुड़ी विकास काम के संबंध म पुजारी मन ले लीन जानकारी

जशपुरनगर, मुख्यमंत्री श्री भूपेश बघेल के जशपुर जिला म भेंट मुलाकात कार्यक्रम के बेरा म करे गे घोषणा मन के गंभीरता ले क्रियान्वयन करे जात हे। मुख्यमंत्री के घोषणा के मुताबिक आस्था ले समृद्धि के कड़ी जोड़के आदिवासी क्षेत्र के उत्थान के अनूठा पहल शुरू होए हे। जिला के सबो विकासखंड म आदिवासी मन के आस्था स्थल देवगुड़ी ल संवारे के काम करे जात हे।
कलेक्टर डॉ. रवि मित्तल ह आज वीडियो कॉल के माध्यम ले बगीचा विकासखण्ड के ग्राम पंचायत कुटमा के पत्ताकेला अउ ग्राम बगडोल म आदिवासी मन के देवस्थल, देवगुड़ी के उन्नयन अउ कायाकल्प काम के संबंध म सम्बंधित पुजारी मन ले चर्चा करिन। उमन पुजारी मन ल देवगुड़ी स्थल के निर्माण बर अपन शुभकामना देवत उंखर से देवगुड़ी विकास के बारे म ऊंखर विचार जानिन। संगेच उंखर से शासकीय योजना मन ले मिलत लाभ के बारे म घलोक विस्तार ले जानकारी लीन।