मुख्यमंत्री श्री भूपेश बघेल आज जशपुर जिला के ग्राम गम्हरिया के धान खरीदी केन्द्र पहुंचिन

रायपुर, 05 दिसम्बर 2020। मुख्यमंत्री श्री भूपेश बघेल आज जशपुर जिला के ग्राम गम्हरिया के धान खरीदी केन्द्र पहुंचिन। उहां उमन किसान मन ले चर्चा करके धान खरीदी केन्द्र के व्यवस्था मन के बारे म जानकारी लीन। उमन धान के खरीदी अऊ भुगतान के बारे घलोक किसान मन ल पूछिन। धान खरीदी केन्द्र म चबूतरा अऊ शेड के निर्माण करे गए हे, जिहां किसान मन ले खरीदे गए धान सुरक्षित ढंग ले रखे गए हे। धान खरीदी केन्द्र म फ्लैक्स लगाके धान खरीदी के अवधि, कामन धान, धान ग्रेड-ए, मक्का खरीदी के दर प्रदर्शित करे गए हे। ये बेरा म खाद्य अऊ जिला के प्रभारी मंत्री श्री अमरजीत भगत, संसदीय सचिव विधायक श्री चिन्तामणी महराज, जशपुर विधायक श्री विनय भगत घलोक उपस्थित रहिन।