बाड़ी विकास ले जुड़ के सहेली स्व-सहायता समूह के महिला मन उपजावत हें साग-सब्जी

जशपुरनगर, जशपुर जिला म गौठान के माध्यम ले स्व-सहायता समूह के महिला मन ल आर्थिक रूप ले सशक्त बनाए के कई ठन प्रकार के आजीविका मूलक योजना मन ले जोड़े जात हे। जेखर से ओ मन आत्मनिर्भर बन सकयं अऊ अपन परिवार के आर्थिक मदद कर सकयं।
इही कड़ी म बालाझापर गौठान के सहेली स्व-सहायता समूह के महिला मन बाड़ी विकास के लाभ उठात सामुहिक रूप ले गौठान म ही साग-भाजी के उत्पादन करके ओला बाजार मन म उचित मूल्य म विक्रय करत हें। जेखर से ओ मन ल अच्छा मुनाफा होवत हे। समूह के सदस्य अनिता ह बताइस कि उमन गौठान के एक एकड़ जमीन म लौकी, करेला अऊ तोरई संग आन मौसमी सब्जी के उत्पादन करथें। जेखर से समूह ल करीबन 20 हजार के आमदनी होए हे। वो ह बताइस कि बाड़ी म सब्जि मन के उत्पादन अच्छा होए हे। स्थानीय बाजार म ताजा सब्जि मन के मांग घलोक जादा होथे जेखर से ऊंखर सब्जि मन आसानी ले बेंचा जाथे। समूह के महिला मन ह कहिन कि बाजार म सब्जि के मांग ल देखत ओ मन अऊ सब्जि के उत्पादन करइया हें। जेखर से ऊंखर समूह ल आर्थिक रूप ले जादा लाभ मिल सकय। उमन बताइन कि सब्जी उत्पादन बर ओ मन ल प्रशासन के माध्यम ले प्रशिक्षण घलोक प्रदान करे गए हे। जेखर ओ मन ल अच्छा लाभ मिले हे। उमन छत्तीसगढ़ शासन अऊ जिला प्रशासन ल धन्यवाद देवत कहिन कि महिला मन ल आगू बढ़ाए बर सरकार बहुत अकन योजना संचालित करत हे। जेखर ओ मन ल सीधा लाभ मिलत हे।