राजीव गांधी किसान न्याय योजना ले किसान मन ल मिलत हे आर्थिक लाभ

जशपुर नगर, 18 जून 2021। राजीव गांधी किसान न्याय योजना ले जशपुर जिला के किसान मन ल कई लाभ मिलत हे। किसान न सिरिफ बोनस राशि के उपयोग अपन खेती किसानी बर करत हें भलुक ओ मन ल अपन घर म राशन पानी के पूर्ति के संगेच कोरोना महामारी के समय म अवइया परेशानी मन म अपन आर्थिक स्थिति ल मजबूत करे म घलोक ये वाले योजना सहायक बनत हे।
राजीव गांधी किसान न्याय योजना के ले लाभान्वित होइए कुनकुरी तहसील के ग्राम बहेरा खार के किसान खिरोधर यादव ह बताइस कि ओ ह अपन खेत म हर बछर धान लगाथें। साल 2020-21 म 280 क्विंटल धान सोसायटी म उचित मूल्य म बेंच के ओ राशि के उपयोग घर के जीवन यापन करे के संग अवइया खेती सीजन बर राशि के बचत करत रहिन फेर राजीव गांधी किसान न्याय योजना छत्तीसगढ़ म लागू होए के बाद ओ मन धान बेचे के बाद ओ ल पहिली किश्त के रूप म 45200 रुपिया मिलीसस। जेखर उपयोग ओ ह दुसर फसल लेहे बर करत हे अऊ राजीव गांधी किसान न्याय योजना ले मिले बोनस राशि के उपयोग ओ ह खाद-बीज के संग अवईया सीजन म धान लगाय बर करत हे। ओ ल अब अवइया सीजन म धान के खेती करे क बर पइसा के बचत करे बर सोचे के जरूरत पइ परत हे।
किसान खिरोधर यादव कहिस के धान बेचे ले मिले राशि के उपयोग ले वो दूसर फसल साग-सब्जी, भिन्डी, बरबट्टी के खेती करे लगे हे जेन ल बाजार म बेंचे ले वोला बनेच आमदनी होवत हे अऊ ओ ह ओ राशि के उपयोग अपन पारिवारिक स्थिति ल सुदृढ़ करे म करत हे। वेा ह कहिस कि कोरोना महामारी जइसे संकट के समय म राजीव गांधी न्याय योजना ले मिले बोनस राशि किसान मन बर वरदान साबित होवत हे।