जशपुरनगर : विष्णु के सुशासन म लउहे बदलत हे गांव के हालत

जशपुरनगर, छत्तीसगढ़ के मुख्यमंत्री श्री विष्णु देव साय के कुशल नेतृत्व म तेजी ले बदलत हे राज्य के गांव मन के तस्वीर। शासन के प्रयास अऊ पंचायती राज योजना मन के सफल क्रियान्वयन के बदौलत प्रदेश के गांव अब विकास अऊ समाजिक सुरक्षा के क्षेत्र म नवा कहानी लिखत हे।
अइसनहेच एक कहानी हे जशपुर जिला के बगीचा विकासखण्ड के ग्राम पंचायत घुघरी के। जिला मुख्यालय जशपुर ले 93 किलोमीटर दूर स्थित ये गांव विकास अऊ बदलाव के नवा परिभासा गढ़त हे। इहां पंचायत के बैठक म जनभागीदारी के माध्यम ले गांव के हर चुनौति के समाधान करे जात हे। गांव म 567 मनखे मन के राशन कार्ड बनाए गए हे जेमें 37 एपीएल कार्ड, 407 बीपीएल कार्ड सामिल हे। आंगनबाड़ी केन्द्र के माध्यम ले 216 लइका मन ल पोषण के लाभ मिलत हे। धात्री अऊ गर्भवती महिला मन बर घलोक पोषण के व्यवस्था करे गए हे। समाजिक सुरक्षा बर 2 लाख 10 हजार खर्च करे गए हे। संगेच 342 मनखे मन ल पेंशन योजना ले जोड़े गए हे।
घुघरी के रहवईया मंगरी बाई के बताती ओ ल हर महिना 500 रूपिया पेंशन मिलथे। उही पइसा ले वो अपन जीवन यापन करथे। कुटुंब के पालन पोषण करे म सहायता मिलत हे। वो ह मुख्यमंत्री ल धन्यवाद देहे हे।
प्रधानमंत्री आवास योजना के तहत् 56 जरूरतमंद परिवार ल पक्का आवास उपलब्‍ध कराए गे हे। 483 परिवार के मनरेगा जॉब कार्ड बनाए गे हे। पाछू दू बछर म मनरेगा के 20 व्यक्तिगत तालाब के निर्माण कराए गए हे। ग्राम पंचायत घुघरी के विनोद राम ह बताइस के वोखर गांव म अकटूबर अऊ नवम्बर म मनरेगा के काम चालू होथे। वोमें गांव के मनखे काम करे जाथें। गाव के मनखे मन के जॉब कार्ड हे। मनरेगा म काम करके सबो कुटुंब मिलके 28 हजार रूपिया कमा लेथे। एकर से घर कुटुंब अच्छा बढ़ ले चलत हे। महिला सशक्तिकरण के उददेश्य ले 36 स्व सहायता समूह मन के गठन करके 412 महिला मन ल स्वरोजगार ले जोड़े गए हे। ग्राम पंचायत घुघरी के ये कहानी संवरत छत्तीसगढ़ के सुरक्षित होत भविष्य के कहानी ये।