कुन्जारा म 50-60 महिला मन समूह म सक्रिय हो के धागाकरण के बुता करत हे
कोसाफल के उपयोग कर 25.50 किलोग्राम धागा उत्पादन करे गय हे
धागाकरण ले लगभग राशि 1 लाख 7 हजार रुपिया मिले हे
जशपुरनगर 11 जुलाई 2023
जशपुर जिला टसर कोसा उत्पादन कार्य म अग्रणी जिला के नाम म उभर के आइस हे इहॉ हर बछर लगभग 1 करोड़ पालित प्रजाति के कोसा उत्पादन जिला के विभिन्न क्षेत्र के हितग्राही मन ह करथे अऊ ककून बैंक के माध्यम ले उक्त कोसा ले बिसाये करे जाथे।
05 बछर पहिली जशपुर के अंतर्गत ग्राम कुन्जारा तहसील कुनकुरी म महिला मन के उत्थान ब सहायक संचालक रेश जशपुर के मार्गदर्शन म टसर धागाकरण प्रशिक्षण इकाई स्थापित करे गए रहिस जेकर से ग्राम कुन्जारा के अन्तर्गत आए वाले वनांचल म बसे आश्रित ग्राम के महिला मन ल टसर धागाकरण प्रशिक्षण देके धागाकरण के बुता सुरू कराय गइस जेमा कतको गरीब परिवार के महिला मन हे जेमन आज अपन आर्थिक स्थिति सुधार के अपन जीवन यापन बढ़िया तरीका ले करत हे। एमन ह समूह बना के धागाकरण के बुता करथे।
वर्ष 2015-16 ग्राम कुन्जारा के महिला मन ह 20-25 के संख्या म समूह के स्थापना करिस। जेकर से कतको महिला मन अपन आर्थिक स्थिति म सुधार करिस एकर से प्रभावित होके आज 50-60 महिला मन समूह म सक्रिय हे।
कुनकुरी विकासखण्ड के ग्राम कंजारा निवासी श्रीमति सुनिता बाई जेकर आर्थिक स्थिति अति दयनीय रहिस जेला दू समे के भोजन ब सोचे ब परय। ओ ह समूह म जुड़ के धागारण के बुता सुरू करिस अऊ धागाकरण बुता ले प्रभावित होइस। तेकर गए ले सरलग धागाकरण के बुता करत आत हे अउ आज ओकर फल ओला मिलत हे प्राप्त। ए वित्तीय वर्ष 2022-23 म 25500 नग कोसाफल के उपयोग कर 25.50 किलोग्राम धागा उत्पादन करिस। जेकर से लगभग राशि 1 लाख 7 हजार 100 रूपिया प्राप्त होइस ।
श्रीमति सुनिता ह बताइस कि रेशम विभाग के धागाकरण योजना ले जुड़ के मोर अउ मोर परिवार ल बड़ सहायता होइस हे। जेकर से छोट-मोट जरूरत ल पुरा कर पाथव। ए बुता म मोर पति के घलो सहयोग रहिस हे के ह मोर ए बुता ल करे ब हमेसा संग दिस। ओ ह जिला प्रशासन अउ रेशम विभाग के अधिकारी ल धन्यवाद दिस अउ कहिस कि ए योजना ले गरीब परिवार के महिला मन ल जोड के गरीबी दूरिहा करे म अथक प्रयास करिस। जेकर से हमन असन महिला आत्मनिर्भर बन पात हे। रेशन विभाग के अधिकारी समय-समय म जिला अधिकारी ल मार्गदर्शन दे के धागाकरण म आए वाले समस्या के निदान कराथे।
Success story
Neha Rathore
जशपुरनगर : धागाकरण के बुता ले सुनिता के आर्थिक स्थिति होइस मजबूत
