पुलिस-नक्सली मुड़भेड़ म 1 जवान शहीद, नक्सली कैंप ध्वस्त, मउका ले भारी मात्रा म नक्सली सामग्री बरामद

नारायणपुर, 24 अक्टूबर 2020। नारायणपुर जिला के अबूझमाड़ ओरछा कदेर के जंगल म पुलिस पार्टी ह नक्सली कैंप ल ध्वस्त कर दिस हे। मुठभेड़ के दौरान डीआरजी के एक जवान घलो शहीद होगे। मउका ले भारी मात्रा म नक्सली मन के सामान बरामद करे गे हे। बस्तर आईजी सुंदरराज पी ह एखर पुष्टि करिन हे।

बताए जावत हे कि डीआरजी के जवान सर्चिंग म निकले रिहिस। अबूझमाड़ ओरछा कदेर के जंगल के पास पहुंचत ही नक्सली मन ह पुलिस पार्टी ऊपर हमला बोल दिस। जवान मन ह मोर्चा संभालत हुए नक्सली मन ल मुंहतोड़ जवाब दिस। जवाबी कार्रवाई म फोर्स ल भारी पड़त देख नक्सली मउका ले भागे म कामयाब रहिन। ये दौरान जवान मन ह नक्सली कैंप मन ल ध्वस्त कर दिस। मउका ले भारी मात्रा म नक्सली सामान बरामद करे गे हे।

लउछरहा..