दुर्ग, संस्कृति विभाग ह कलाकार कल्याण कोष के अंतर्गत 25000 रूपिया के सहायता राशि कलाकार श्रीमती जयंत यादव, श्रीमती पूनम तिवारी, श्रीमती पद्मा जोशी बर स्वीकृत करे हे। इहां हम आप ल बता देवन के लंबा बीमारी, दुर्घटना, देवीय आपदा के चलते कलाकार मन के दुख म सहायता सरूप राशि देहे के प्रावधान संस्कृति विभाग कोति ले कलाकार कल्याण कोष के अंतर्गत होथे। एखर अंतर्गत कलाकार मन ल 25000 रूपिया के सहायता राशि के प्रावधान होथे।
खबर के मुताबिक छत्तीसगढ़ी के लोकप्रिय गायिका जयंती यादव संग पूनम तिवारी अउ पद्मा जोशी ल ये सहायता राशि देहे गए हे जउन खुसी के बात हे। आप मन जानतेच होहू के जयंती यादव के गरीबी अउ दुख के बारे म जब मुख्यमंत्री के पत्नी श्रीमती मुक्तेश्वरी ल पता चले रहिस त ओ ह जसंती ल सीएम हाउस बलाए रहिस अउ अपन खुद के जोरे पईसा ले एक लाख रूपिया जयंती ला देहे रहिस अउ अरपा पईरी के धार आकर मुख से सुने रहिस।
जयंती बाई के सुग्घर इंटरव्यू भाई तेज साहू ह अपन सोसल मीडिया संवाद यूट्यब चेनल म करे हें, आप एल देखव –
