राजनांदगाँव, मुख्यमंत्री श्री भूपेश बघेल आज अपन भेंट-मुलाकात अभियान के कड़ी म राजनांदगाँव ज़िला के डोंगरगाँव विधानसभा क्षेत्र के दौरा म हे। ये बेरा म आमजन ले भेंट-मुलाकात बर मुख्यमंत्री अर्जुनी पहुँचिन। ओ मन मंझनिया जब भूख लागिस त आत्मीय भाव ले हल्बा आदिवासी किसान श्री दिलीप धनपाल के घर म भोजन बर पहुँचिन। जेमां मुख्यमंत्री अऊ आन अतिथि मन ल किसान परिवार कोति ले सबले पहिली ग्रामीण परम्परा अनुसार हाथ-पैर धोवाके परघानी करे गीस। फेर तिलक लगाके सस्नेह भोजन बर आमंत्रित करे गीस।
भोजन म छत्तीसगढ़ी पकवान चौसेला, ढेढरी, खुरमी, गुलगुला भजिया के संग व्यंजन म लाखड़ी भाजी, टमाटर चटनी, सिलबट्टा म पिसी चटनी, जिमीकंद, मुनगा, मिक्स वेज (नवल गोल, गोभी, सेम), करेला, रोटी, चावल अऊ दाल परूसे गीस। मुख्यमंत्री ह बड़ चाव ले भुइंया म बइठके जेवन करिन।
मुख्यमंत्री के संग आन पिछड़ा वर्ग विकास प्राधिकरण के अध्यक्ष अउर विधायक श्री दलेश्वर साहू, विधायक खैरागढ़ श्रीमती यशोदा वर्मा, ज़िला सहकारी केंद्रीय बैंक राजनांदगाँव के अध्यक्ष श्री नवाज़ खान, स्थानीय सरपंच श्रीमती द्रौपती साहू, कलेक्टर राजनांदगाँव श्री डोमन सिंह ह घलोक भोजन करिन।
मुख्यमंत्री ह चौसेला, गुलगुल भजिया के संग लाखड़ी भाजी अऊ मुनगा के लीन आनंद
