मुख्यमंत्री ह करिस झाड़ा सिरहा के प्रतिमा के अनावरण

जगदलपुर, बस्तर दशहरा म सामिल होए पहुँचे मुख्यमंत्री श्री भूपेश बघेल ह सिरहासार भवन के समीप शहीद स्मारक परिसर म मुरिया विद्रोह के जन नायक झाड़ा सिरहा के आदमकद मूर्ति के अनावरण करिन। एखर संगेच मुख्यमंत्री ह बस्तर जिला म 89 विकास काम मन के करीबन 173 करोड़ 28 लाख ले जादा के काम मन के लोकार्पण-शिलान्यास करिन। मुख्यमंत्री ह 77 करोड़ 38 लाख 72 हजार के 22 विकास काम मन के लोकार्पण अऊ 95 करोड़ 89 लाख 72 हजार के 67 विकास काम मन के भूमिपूजन करिन।
ये बेरा म उद्योग व जिला के प्रभारी मंत्री श्री कवासी लखमा, सांसद श्री दीपक बैज, बस्तर क्षेत्र आदिवासी विकास प्राधिकरण के अध्यक्ष श्री लखेश्वर बघेल, उपाध्यक्ष श्री संतराम नेताम, श्री विक्रम मंडावी, संसदीय सचिव श्री रेखचन्द जैन, हस्त शिल्प विकास बोर्ड के अध्यक्ष श्री चंदन कश्यप, चित्रकोट विधायक श्री राजमन बेंजाम, महापौर श्रीमती सफीरा साह, नगर निगम सभापति श्रीमती कविता साह, कमिश्नर श्री श्याम धावड़े, आई जी श्री सुंदर राज पी., कलेक्टर श्री चंदन कुमार, वरिष्ठ पुलिस अधीक्षक श्री जितेंद्र मीणा संग आन जनप्रतिनिधि उपस्थित रहिन।